Դանիէլ Դալլաքեանը Սպանական Մամուլի Ուշադրութեան Կեդրոնին Մէջ

0
38

Հայազգի 8-ամեայ Դանիէլ Դալլաքեան յայտնուած է սպանական մամուլի ուշադրութեան կեդրոնին մէջ, առիթը` Սպանիոյ մէջ իրականացուող Գարթինկի մրցարշաւին մէկը միւսին ետեւէն արձանագրած յաջողութիւններն են:

Դանիէլի հայրը` Էդուարդ Դալլաքեան, որ նաեւ երեխայի կազմակերպիչն է, նշեց, որ երեխան արհեստավարժ ինքնաշարժներու մրցումին սկսած է մասնակցիլ 7 տարեկանին: Դեռ մէկ տարի անցած է, եւ արդէն Դանիէլը շարք մը յաջողութիւններ արձանագրած է:

«Դանիէլը, երբ սկսաւ մրցարշաւին մասնակցիլ, գրաւեց 7-րդ տեղը: Ատիկա այն պարագային, երբ իր տարիքի երեխաները սովորաբար լաւագոյն տասնեակին մէջ չեն մտներ: Այս տարի ձմրան տեղի ունեցաւ Գարթինկի մրցարշաւ Սպանիոյ մակարդակով, ուր երեխան գրաւեց 4-րդ տեղը: Ատկէ ետք Գաթալոնիոյ մէջ իրականացուեցաւ մրցարշաւ, Դանիէլը տարիքով ամենափոքր մասնակիցն էր, ան մրցեց 11, 12 տարեկան երեխաներու հետ ու դարձաւ յաղթող` գրաւելով առաջին տեղը»,- «Արմենպրես»-ի-ի հետ զրոյցին նշեց Էդուարդ Դալլաքեան:

Դանիէլը հրաւէր ստացաւ մասնակցելու Սպանիոյ մակարդակով իրականացուող Գարթինկի յաջորդ մրցարշաւին, որ տեղի կ’ունենար այս ամրան ամիսներիուն: Դանիէլին կրկին յաջողութիւնը ժպտեցաւ, նախընտրական փուլ անցած է, լաւագոյն 20 մասնակիցներու ցանկին մէջ գրաւած է 13-րդ տեղը` ըլլալով տարիքով փոքր մասնակից: Առջեւը պիտի մրցին լաւագոյնները:

Այս յաջողութիւնները երեխային կը տրուին քրտնաջան աշխատանքի արդիւնքով. ընտանիքի աջակցութիւն, հետեւողական պարապմունքներ` արհեսավարժ մարզիչով: Դանիէլի մարզիչը Պորխա Կարսիան է, որ սպանական Ֆորմուլա 3-ի յաղթողն է: Ան այժմ կը պարապի միայն Դանիէլի հետ: Իր մարզիչին հետ Դանիէլ քրտնաջան կ’աշխատի` ամէն պարապմունքին վարելով 130-150 քմ, շաբաթական առնուազն 450 քմ:

«Շատ կը սիրեմ մեքենայ վարել, հաճոյքով կը պարապիմ, կը մասնակցիմ մրցարշաւներուն: Հայրս շատ կ’օգնէ ինծի, մշտապէս կողքիս է: Յառաջիկային ալ պիտի շարունակեմ զբաղուիլ այս մարզաձեւով»,-ըսաւ Դանիէլը:

Մեր այն հարցին, թէ արդեօք այս ծանրաբեռնուած պարապմունքները երեխային դպրոցական դասերուն չեն խանգարեր, հայրը` Էդուարդ Դալլաքեան, ընդգծեց, որ տղան դպրոցին մէջ բարձր յառաջադիմութիւն ունի: Երեխան նաեւ ժամանակ կը գտնէ օտար լեզուներ ուսումնասիրելու համար:

Այժմ Դալլաքեաններու ընտանիքը Հայաստան եկած է` Դիլիջան: Շոգ եղանակով պայմանաւորուած Սպանիոյ մէջ պարապմունքները ժամանակաւոր ընդհատուած են: Այս կարճատեւ դադարը կ’օգտագործեն հայրենիք այցելելու համար: Էդուարդ Դալլաքեան հայրենիք այցելելը կարեւոր կը համարէ, հարազատներուն հետ կապը պահելու, հայերէնի իմացութիւնը զարգացնելու տեսանկիւնէն:

Դալլաքեաններու ընտանիքը Սպանիա տեղափոխուած է 1996 թուականին: Դանիէլը ծնած եւ մեծցած է Սպանիոյ մէջ:

LEAVE A REPLY

Please enter your comment!
Please enter your name here