Իրան ԼՂ Հարցը Երկխօսութեան Եւ Բանակցութիւններու Ճամբով Կարգաւորելու Կոչ Կ՛ընէ

ԹԵՀՐԱՆ.- Իրան կոչ կ՛ընէ Լեռնային Ղարաբաղի հակամարտութեան կողմերուն՝ երկխօսութեան եւ բանակցութիւններու ճամբով երթալու:

Ըստ «Արցախփրէս»ի՝ նման յայտարարութեամբ Թեհրանի մէջ լրագրողներու հետ հանդիպման ընթացքին հանդէս եկած է Իրանի արտաքին գործոց նախարարութեան մամլոյ խօսնակ Պահրամ Քասեմի:

«Մենք մեր հիւսիսը ունինք, եւ երկու հարեւան. Ատրպէյճանը, որ իրապէս կարեւոր է մեզի համար, որուն հետ ունեցած ենք լաւ յարաբերութիւններ: Հայաստանի հետ ալ մենք ունինք բարեկամական եւ սերտ բարիդրացիական յարաբերութիւններ: Հակամարտութիւնը, անոնց տեսակէտներու տարբերութիւնները՝ Ղարաբաղեան հարցին շուրջ, արդէն գոյութիւն ունին երկար ժամանակէ ի վեր, եւ երբեմն լարուածութիւնը կ՛աճի: Մենք յոյսով ենք, որ անոնք կրնան յաղթահարել տարածաշրջանին մէջ գոյութիւն ունեցող հարցերը», նշած է Պահրամ Քասեմի:

Իրանի արտաքին գործոց նախարարութեան խօսնակը յոյս յայտնած է, որ Հայաստան եւ Ատրպէյճան կրնան օժանդակել տարածաշրջանին մէջ կայունութեան եւ անվտանգութեան հաստատման: Ըստ անոր՝ Հարաւային Կովկասի մէջ խաղաղութիւնն ու կայունութիւնը կրնան ազդեցութիւն ունենալ աւելի լայն տարածաշրջանի վրայ:

«Մենք ուշադրութեամբ կը հետեւինք տարածաշրջանին մէջ զարգացումներուն, յատկապէս մեր սահմանային հատուածներուն վրայ: Մենք կը հետեւինք մեր սահմաններուն եւ թոյլ չենք տար, որ հակամարտութիւնը վնասէ սահմանային տարածքներու մեր բնակչութեան», ընդգծած է ան:

Քասեմի նաեւ նշած է, որ այս հարցին մէջ մշտապէս եղած է նաեւ այլ ուժերու միջամտութեան հետ կապուած մտահոգութիւնը:

«Երկու երկիրներուն հետ ալ մենք շարունակաբար բանակցած ենք, տեսակէտներ փոխանակած ենք, եւ յոյսով ենք, որ ի վերջոյ դիւանագիտութիւնն ու երկխօսութիւնը պիտի գերակայ դառնան այլ մօտեցումներու եւ մեթոտներու նկատմամբ»,-ամփոփած է Իրանի ԱԳՆ մամուլի խօսնակը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>