ՀԵԸ Անդրանիկ Անթիլիաս Շահեցաւ Լիբանանի Ճատրակի Blitz Ախոյեանութեան Տիտղոսը

0
47

ՀԵԸ Անդրանիկ Անթիլիասի տղոց ճատրակի խումբը տիտղոս մը եւս աւելցուց յաղթանակներով փայլուն իր էջերուն մէջ, երբ շահեցաւ Լիբանանի ճատրակի Blitz ախոյեանութեան տիտղոսը:

Ախոյեանութեան տիտղոսին համար պայքարող 17 խումբերուն մէջ ՀԵԸ Անդրանիկ Անթիլիաս գերազանցեց իր բոլոր մրցակիցները, արձանագրելով ինը յաղթանակ եւ 18 կէտով արժանաւորապէս գրաւեց առաջին դիրքը:

Ախոյեանութեան մրցումները տեղի ունեցան Կիրակի, 6 Օգոստոս 2017, Լիբանանի ճատրակի ֆետերասիոնին կազմակերպութեամբ, ֆետերասիոնի նախագահ Իզէթ Քրայթէմի եւ այլ անդամներու անմիջական հովանաւորութեան տակ, Սայտայի քաղաքապետարանին մէջ:

ՀԵԸ Անդրանիկ Անթիլիասի Գործադիր Մարմինի ատենապետ Գրիգոր Քեշիշեան եւ Գործադիրի անդամ, ճատրակի պատասխանատու Տիգրան Զէյթճեան իրենց ներկայութեամբ մօտէն հետեւեցան ախոյեանութեան մրցումներուն:

Մրցումներու աւարտին, ֆետերասիոնի նախագահը հանդիսաւորապէս ՀԵԸ Անդրանիկ Անթիլիասի կազմին յանձնեց ախոյեանութեան բաժակը եւ մետալները:

Ստորեւ ՀԵԸ Անդրանիկ Անթիլիասի կատարած մրցումներուն թեքնիք արդիւնքները.

ՀԵԸ Անդրանիկ Անթիլիաս – Ահլի Սայտա՝ 6-0

ՀԵԸ Անդրանիկ Անթիլիաս – Լիբանանեան բանակ՝ 5-1

ՀԵԸ Անդրանիկ Անթիլիաս –ՀՄԸՄ՝ 4-2

ՀԵԸ Անդրանիկ Անթիլիաս – Սովիէթ՝ 4,5-1,5

ՀԵԸ Անդրանիկ Անթիլիաս – Էնիմէյշըն՝ 6-0

ՀԵԸ Անդրանիկ Անթիլիաս – Ֆրեր՝ 5-1

ՀԵԸ Անդրանիկ Անթիլիաս -Անսար՝ 5-1

ՀԵԸ Անդրանիկ Անթիլիաս – Երկրաչափներու Սենտիքա՝ 5-1

ՀԵԸ Անդրանիկ Անթիլիաս – Թենմիյէ՝ 5,5-0,5

ՀԵԸ Անդրանիկ Անթիլիաս յառաջիկայ Կիրակի, 13 Օգոստոսին, պիտի մասնակցի Լիբանանի ճատրակի Rapid ախոյեանութեան: Մրցումները տեղի պիտի ունենան Թրիփոլիի մէջ: Իսկ 6-14 Սեպտեմբերին տեղի պիտի ունենայ Լիբանանի ճատրակի խմբային ախոյեանութիւնը՝ ՀԲԸՄ-ի Տեմիրճեան կեդրոնին մէջ:

Կ’արժէ նշել, որ Յուլիս ամսուան վերջաւորութեան տեղի ունեցան Լիբանանի ճատրակի անհատական մրցումները: ՀեԸ Անդրանիկ Անթիլիասի մարզիկներէն Ֆայսալ Խէյրալլա գրաւեց երկրորդ դիրքը, իսկ Անթուան Քասիս՝ հինգերորդ:

Սրտանց կը շնորհաւորենք ՀԵԸ Անդրանիկ Անթիլիասի ճատրակի խումբին մարզիկները մարզական այս նոր նուաճումին առիթով, մաղթելով նորանոր յաջողութիւններ:

ՀԵԸ ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ

LEAVE A REPLY

Please enter your comment!
Please enter your name here