Սուրիոյ Մէջ Անկախ Քիւրտիստանի Մասին Չենք Երազեր. Մուսլիմ

ԴԱՄԱՍԿՈՍ, «Ռոյթըրզ».- Սուրիոյ քրտական Ժողովրդավարական միութիւն կուսակցութեան ղեկավար Սալեհ Մուսլիմ յայտարարեց. «Սուրիոյ քիւրտերը Սուրիոյ մէջ սեփական անկախ տարածքի մը ստեղծման չեն ձգտիր, այլ կ՛ուզեն Սուրիան վերածել դաշնակցային ու ժողովրդավարական պետութեան մը, որուն բոլոր քաղաքացիները հաւասար իրաւունքներ ունին»:

Ան ըսաւ, որ Սուրիոյ ժողովրդավարական ուժերուն արձանագրած յաղթանակները միայն քիւրտերուն իրագործումը չեն, եւ Սուրիոյ մէջ անկախ քրտական շրջանի մը ստեղծման նպատակով այդ ուժերու շահագործման մասին որեւէ խօսք՝ պարզապէս կանխատրամադրուած գաղափարներու արտայայտութիւն մըն է, որ չի՛ համապատասխաներ իրականութեան:

Մուսլիմ նաեւ ընդգծեց, որ ապահովական գօտիներու ստեղծման շուրջ համաձայնութիւնները «սուրիացիներու կամքին հակառակ՝ դերերու բաշխման գործողութիւններ են»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>