Ուսողութեան Միջազգային Ողիմպիականին Հայաստանի Ուսանողները Նուաճած Են 8 Մրցանակ

31Յուլիս-6 Օգոստոս, Պուլկարիոյ Պլակոյեւկրատ քաղաքին մէջ տեղի ունեցաւ ուսողութեան (մաթեմաթիքսի) 24-րդ միջազգային ուսանողական ողիմպիականը (IMC), որուն մասնակցեցան աշխարհի 71 համալսարաններու խումբեր (331 մասնակից): Մրցոյթին Հայաստան ներկայացուցին Երեւանի պետական, Հայաստանի Ամերիկեան եւ Սլաւոնական համալսարաններու խումբերը: Հայաստանի խումբերը բարձր արդիւնքներ արձանագրեցին՝ նուաճելով երկու ոսկի, երկու արծաթ եւ երկու պրոնզ մետալներ:

ԿԳՆ հասարակայնութեան հետ կապերու վարչութեան փոխանցմամբ, մրցոյթին Երեւանի պետական համալսարանէն (ԵՊՀ) մասնակցեցան 4 ուսանողներ, որոնցմէ երկուքը՝ Ալպերթ Գէորգեան եւ Վազգէն Միքայէլեան, արժանացան ոսկէ, իսկ Աւետիք Արագուլեան ու Գէորգ Մնացականեան՝ արծաթէ մետալներու:

«Ասիկա աննախադէպ արդիւնք է ԵՊՀ-ի խումբին համար: Մինչ այս լաւագոյն արդիւնքը խմբային հաշուարկով եղած է 15-րդ տեղը: Հայաստանի Ամերիկեան համալսարանի ուսանող Արտեոմ Քոսեան եւ Սլաւոնական համալսարանի ուսանող Հրաչեայ Քոչարեան արժանացան պրոնզէ մետալներու»:

Ուսողութեան միջազգային ողիմպիականին Հայաստանի խումբերը ղեկավարած եւ մարզած է ԵՊՀ եւ Հայաստանի Ամերիկեան համալսարանի դասախօս Կարէն Քեռեան:

Ուսողութեան միջազգային այս մրցոյթին առաջին տեղը գրաւած է Իսրայէլի ազգային խումբը:
0

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button