«Զուարթնոց» Արգելոց-Թանգարանին ՄԷջ Կը Բեմադրուի Հայկական Աւանդական Հարսանիք ` Բոլոր Աւանդոյթներով Եւ Մոռցուած Ծէսերով

ՀԱՅԵՐՆ ԱՅՍՕՐ
10 Օգոստոսին, ժամը 19.00-ին «Զուարթնոց» պատմամշակութային արգելոց-թանգարանի տարածքին մէջ հարսանեկան արարողութիւն նախատեսուած է: «Պատմամշակութային արգելոց-թանգարաններու եւ պատմական միջավայրի պահպանութեան ծառայութիւն» ՊՈԱԿ-ի եւ «Տէրեան» մշակութային կեդրոնի նախաձեռնած իւրօրինակ ձեռնարկը հայկական հարսանիքի բեմականացում է` իր բոլոր աւանդոյթներով:

Ինչպէս կը յայտնեն «Պատմամշակութային արգելոց-թանգարաններու եւ պատմական միջավայրի պահպանութեան ծառայութիւն» ՊՈԱԿ-ի լրատուութեան բաժինէն, հայկական տարազներով հարս ու փեսան, հարսնաքոյրը, մակարապետն ու քաւորը կը ներկայացնեն աւանդական հայկական հարսանիքի ինչ-որ տեղ նաեւ մոռցուած տարրերը:

Արգելոց-թանգարանի տարածքը կը զարդարուի հայկական շունչով` գորգեր, կճուճներ, կը հնչէ հայկական աւանդական երգ, երաժշտութիւն`զուռնա-տհոլով:

Ձեռնարկին իրենց կատարումներով մեծ շուք պիտի հաղորդեն «Կարին» (գեղ. ղեկավար` Գ. Գինոսեան) ազգագրական երգի-պարի համոյթը, «Ոստան» աւանդական երգ ու պարի անսամպլը (գեղ. ղեկավար` Գ. Աբէլեան-Պատալեան), «Զուարթնոց» քառեակը (գեղ. ղեկավար` Տ. Կոնինեան), Ռ. Հարոյեանի անուան «Մասունք» ազգագրական երգի-պարի համոյթը (համաղեկավարներ` Լ. Մկրտչեան եւ Հ. Անանեան):

Տօնական միջավայրի անմիջական մասնակիցը պիտի դառնան նաեւ «Զուարթնոց» արգելոց-թանգարանի այցելուները:

Ձեռնարկին բեմադրիչն է ՀՀ մշակոյթի վաստակաւոր գործիչ Արմէն Մանուկեան:

Տոմսերու համար կը խնդրենք զանգել 010- 58-74-25, 093-19-96-67 հեռախօսահամարներով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>