Հայաստանն Ու Ռուսիան Քննարկած Են Ադամանդագործութեան Եւ Ոսկեգործութեան Ոլորտին ՄԷջ Համագործակցութիւնը

Ոսկեգործութեան եւ ադամանդագործութեան ոլորտին մէջ Հայաստանի եւ Ռուսիոյ միջեւ գործակցութիւնը կրնայ ընդլայնուիլ: ՌԴ-ի մէջ Հայաստանի արտակարգ եւ լիազօր դեսպան Վարդան Տողանեան, Տնտեսական զարգացման եւ ներդրումներու նախարարի խորհրդական Գագիկ Մկրտչեան եւ ՌԴ-ի մէջ ՀՀ առեւտրական ներկայացուցիչ Կարէն Ասոյեան Մոսկուայի մէջ հանդիպած են ՌԴ ֆինանսներու նախարարի տեղակալ Ալեքսէյ Մոիսէեւին` քննարկելու հարցը:

Ինչպէս «Հայերն այսօր»-ին կը յայտնեն Տնտեսական զարգացման եւ ներդրումներու նախարարութեան մամուլի ծառայութենէն, հանդիպման կողմերը քննարկած են ալմաստի հումքի մատակարարումներու արդիւնաւէտութեան բարձրացման խնդիրը` ինչպէս «Ալռոսայից», այնպէս ալ «Գոխրանից»: Հայկական պատուիրակութեան անդամները ՌԴ ֆինանսներու փոխնախարարի ղեկավարած խումբին հետ զրոյցին անդրադարձած են նաեւ պետական յարգադրոշման եւ յարգորոշման փոխադարձ ճանաչման հարցերուն:

Կողմերը քննարկած են խնդիրներու լուծման նորարական մօտեցումներու եւ նոր մեքենականութեան կիրառումը: Պայմանաւորուածութիւն ձեռք բերուած է հնարաւորինս սեղմ ժամկէտներու մէջ անցնիլ գործնական քայլերու:

Տնտեսական զարգացման եւ ներդրումներու նախարարի խորհրդական Գագիկ Մկրտչեանի խօսքով` այդ պայմանաւորուածութիւններու իրականացումը կ’ապահովէ ոլորտի աճի շարունակականութիւնը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button