Հայաստան Եւ Չինաստան Կը Ստորագրեն Օդային Հաղորդակցութեանց Համաձայնագիր

ԵՐԵՒԱՆ, «Նիուզ».- Հայաստանի Հանրապետութեան քաղաքացիական թռիչքներու ոլորտին մէջ վարուող քաղաքականութիւնը կը միտի ընդլայնել համագործակցութիւնը նաեւ արեւելեան գործընկերներու հետ եւ հաստատելու ուղիղ օդային հաղորդակցութիւններ այդ ուղղութիւններով:

Չինաստանի Ժողովրդական Հանրապետութիւնը հայաստանի ռազմավարական գործընկերն է այդ տարածքին վրայ եւ այս պետութեան հետ յարաբերութիւններու զարգացման համահունչ, անհրաժեշտութիւն յառաջացած է պարբերաբար վերատեսութեան ենթարկելու գործող իրաւապայմանագրային դաշտը:

Չինացի գործընկերներու հետ բանակցութիւնները 2017-ին տուած են ակնկալուած արդիւնքը: Քաղաքացիական թռիչքներու գլխաւոր վարչութեան պետ Սերգէյ Աւետիսեանի հրաւէրով, Օգոստոս 8ին Հայաստան ժամանեց Չինաստանի Ժողովրդական Հանրապետութեան քաղաքացիական թռիչքներու վարչակազմի պետի տեղակալ Վանկ Ճիցինկի գլխաւորած բարձրաստիճան պատուիրակութիւնը՝ մասնակցելու երկօրեայ բանակցութիւններու:

Նշենք, որ Հայաստան Չինաստանի քաղաքացիներուն համար դիւրացուցած է մուտքի արտօնագիրներ ստանալու գործընթացը:

Չինացի պատուիրակները յայտնեցին իրենց հետաքրքրուածութիւնը Չինաստանի եւ Հայաստանի միջեւ ուղիղ չուերթներու կազմակերպման վերաբերեալ: Անոնք նաեւ անդրադարձան մասնագէտներու վերապատրաստման կազմակերպման, փորձառութեան փոխանակման եւ միջկառավարական համագործակցութեան զարգացման վերաբերող հարցերուն:

Հայաստանի եւ Չինաստանի պաշտօնատարները ստորագրեցին «Հայաստանի Հանրապետութեան կառավարութեան եւ Չինաստանի Ժողովրդական Հանրապետութեան կառավարութեան միջեւ օդային հաղորդակցութիւնների մասին» համաձայնագիր:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>