Ուաշինկթըն Չի Պատասխաներ Սուրիոյ Քիւրտերուն Դէմ Թրքական Հաւանական Քայլերուն Մասին Հարցումին

ՊՈԼԻՍ, «Մարմարա».- Միացեալ Նահանգներու արտաքին գործոց նախարարութեան բանբեր Հեթըր Նոյերթ յայտարարեց, թէ Ուաշինկթըն շատ լաւ կը հասկնայ Քիւրտիստանի բանուորական կուսակցութեան հարցով Թուրքիոյ մտահոգութիւնները։

Պատասխանելով լրագրողի մը հարցումին, թէ «տրուած ըլլալով, որ Թուրքիա արեւելեան սահմաններուն վրայ զինուորներ կը կուտակէ, Ամերիկա մտահո՞գ է արդեօք այն բանով, որ Թուրքիա կրնայ ռազմական գործողութիւններ իրականացնել Սուրիոյ քիւրտերուն դէմ»՝ Նոյերթ պատասխանեց. «Թուրքիա ՆԱԹՕի ռազմավարական կարեւոր դաշնակից է։ Ամերիկա լրջութեամբ կը մօտենայ Քիւրտիստանի բանուորական կուսակցութեան հարցով Թուրքիոյ մտահոգութիւններուն եւ մշտապէս երկխօսութեան մէջ է Էրտողանի վարչակազմին հետ։ Մենք կը հասկնանք նաեւ, որ Թուրքիա տարածաշրջանային առումով եւս մտահոգութիւններ ունի»։

Երբ իր հարցումին ուղղակի պատասխան չստացած լրագրողը կրկնեց հարցումը, բանբերը ըսաւ, որ ինք չ՛ուզեր պատասխանել այդ հարցումին, որովհետեւ անիկա միայն ենթադրութիւն է։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button