Դիւանագէտները Արտաքսելուն Համար Փութինին Շնորհակալութիւն Յայտնելու Թրամփի Քայլը Կը Դատապարտուի

ՈՒԱՇԻՆԿԹԸՆ, «Էյ.Պի. Սի.».- Առօրեայ դարձած իր արտառոց յայտարարութիւններէն մէկուն ընթացքին, նախագահ Տանըլտ Թրամփ 10 Օգոստոսին շնորհակալութիւն յայտնեց իր ռուս պաշտօնակից Վլատիմիր Փութինին… Ռուսիայէն 775 ամերիկացի դիւանագէտներ արտաքսելու որոշումին համար։

Թրամփ պնդեց, թէ այդ որոշումին շնորհիւ՝ ամերիկեան կառավարութիւնը իր ծախսերը պիտի կրճատէ ու խնայողութիւններ պիտի ընէ, առանց գիտակցելու սակայն, որ նման քայլէ մը ետք, սովորաբար, ամերիկեան դիւանագիտական ջոկատի անդամները չեն հեռացուիր իրենց պաշտօններէն, այլ ուրիշ պաշտօններ կը ստանձնեն։

«Հարվըրտ» համալսարանէն փրոֆ. Նիքլըս Պըրնզ, որ անցեալին եղած է ՆԱԹՕի մօտ Միացեալ Նահանգներու դեսպան եւ արտաքին գործոց նախարարի քաղաքական հարցերով խորհրդական, ըսած է. «Ցաւալի՛ է, որ դիւանագէտները նման անարգանքի կ՛ենթարկուին իրենց նախագահին կողմէ», իսկ Միջին Արեւելքի հարցերով երկարամեայ դիւանագէտ եւ բանակցող Էրըն Միլըր աւելցուցած է. «Փութինը պաշտպանելու Թրամփի այս արարքը իր նախագահութեան ամենաամօթալի քայլերէն մէկն է»։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button