Հրամանատարական Հաւաքներ Արցախի Պաշտպանութեան Բանակին Մէջ

ԵՐԵՒԱՆ, «Նիուզ».- Արցախի Պաշտպանութեան բանակի (ՊԲ) 2017-ի ուսումնական տարուան ծրագիրով ՊԲ գումարտակներու, ինչպէս նաեւ հրետանային եւ Հակաօդային պաշտպանութեան (ՀՕՊ) զօրաբաժիններու հրամանատարներու ու անոնց տեղակալներու տեսական գիտելիքներն ու գործնական ունակութիւնները կատարելագործելու նպատակով 7-11 Օգոստոսին տեղի ունեցան հրամանատարական հաւաքներ:

Կարեւոր նկատելով նշուած օղակի սպայակազմի դերը, ՊԲ հրամանատար զօրավար Լեւոն Մնացականեան անձամբ մասնակցեցաւ ծրագիրին: Ան հաւաքի մասնակիցներուն ուշադրութիւնը հրաւիրեց բոլոր այն հարցերուն վրայ, որոնք կ՛առնչուին մարտավարական կարեւոր այս օղակի սպայակազմի առօրեայ գործունէութեան, մարտի նախապատրաստման ու վարման, փաստաթուղթերու մշակման, ստորաբաժանումներու ղեկավարման, համակողմանի ապահովման ու փոխգործակցութեան կազմակերպման հարցերուն:

Հնգօրեայ հրամանատարական հաւաքներուն ընթացքին կատարուեցան նաեւ խմբային վարժութիւններ՝ գումարտակներու կապի կազմակերպման, ճարտարագիտական աշխատանքներու ծրագրաւորման եւ իրականացման, պաշտպանողական եւ յարձակողական մարտի նախապատրաստման եւ վարման, գումարտակի պաշտպանութեան շրջանի ուրուագիծի մշակման նիւթերով: Հաւաքներու ղեկավարութիւնը առանձնայատուկ ուշադրութիւն դարձուց յատկապէս այն հարցերուն, որոնք այս կամ այն ձեւով կ՛առնչուին մարտական հերթապահութեան եւ ստորաբաժանումներու մարտական պատրաստականութեան:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>