Պոլսոյ Նահանգի Իշխանութիւնները Դարձեալ Կը Միջամտեն Պոլսոյ Հայոց Պատրիարքի Ընտրութեան

ՊՈԼԻՍ, «Ակօս».- Պոլսոյ նահանգապետարանը դարձեալ կը միջամտէ Պոլսոյ Հայոց պատրիարքի ընտրութեան հոլովոյթին, այս անգամ պնդելով, որ գոհ չէ ընտրութիւններու կազմակերպչական հոլովոյթը գործադրող խումբի կարգ մը անդամներէն:

Ըստ համայնքին մէջ տարածուած լուրերուն՝ պատկան մարմինները նշած են, որ առարկութիւն ունին նախաձեռնող խումբի որոշ անդամներուն առնչութեամբ եւ պնդած են, որ այդ անդամներուն մասնակցութեամբ ընտրութիւն չի կրնար կազմակերպուիլ:

Նահանգապետարանին հետ համաձայնութիւն գոյացնելու եւ որոշ սրբագրութիւններ կատարելու համար, նախաձեռնող խումբի անդամները նոր ժողով պիտի գումարեն:

Միւս կողմէ, Թուրքիոյ մէջ հայոց պատրիարքի ընտրութեան կայացման ջատագով՝ «Տեսակէտներու հարթակ»ը, համայնքին մէջ նախաձեռնած է հարցախոյզի մը, որ պիտի սկսի Սեպտեմբերի կիսուն: Անոր նպատակն է պարզել հայ համայնքին, տեսակէտը՝ պատրիարքի, պատրիարքութեան եւ համայնքին համար կարեւոր հարցերուն շուրջ, ինչպէս նաեւ ակնկալիքները՝ ապագայ պատրիարքէն:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>