ԱՒԱՐՏԵԼՈՎ ՓԱՅԼՈՒՆ ՏԱՐԵՇՐՋԱՆ ՄԸ՝ ՀԵԸ ԱՆԴՐԱՆԻԿ ԱՆԹԻԼԻԱՍ ԵՐԿՐՈՐԴ ԴԻՐՔԸ ԳՐԱՒԵՑ ԼԻԲԱՆԱՆԻ ՃԱՏՐԱԿԻ ԵՐԿԱՐ ԽՄԲԱՅԻՆ ԱԽՈՅԵԱՆՈՒԹԵԱՆ ՄՐՑՈՒՄՆԵՐՈՒՆ

0
47

ՀԵԸ Անդրանիկ Անթիլիաս  բոլորեց ճատրակի  յաջող  տարեշրջան մը,  արագ եւ կայծակային  ճատրակի   խմբային ախոյեանութեան  տիտղոսները  շահելէ ետք, գրաւելով  Լիբանանի խմբային   երկար ախոյեանութեան երկրորդ դիրքը: Ախոյեանութեան տիտղոսը շահեցաւ  ՀՄԸՄ  Անթիլիասը:  Երկու  շաբաթներու վրայ երկարող մրցաշարքը (6 -14 Սեպտեմբեր)  տեղի ունեցաւ ՀԲԸՄ-ի Տեմիրճեան կեդրոնին մէջ:

  Լիբանանի  ճատրակի   ֆետերասիոնը տարուան ընթացքին կը կազմակերպէ  երեք  տեսակ  խմբային ախոյեանութեան մրցումներ՝  կայծակային, արագ  եւ   երկար խմբային:  Իւրաքանչիւր  մրցաշարք ունի իր առանձնայատկութիւնները:  ՀԵԸ Անդրանիկ Անթիլիասի  ճատրակի  կազմը  դարձաւ կայծակային եւ   արագ  ճատրակի  խմբային ախոյեանութեան  տիտղոսակիրը, իսկ  երկար  խմբայինի՝  փոխախոյեանը:

ՀԵԸ Անդրանիկ Անթիլիասի   ճատրակի խումբը  կազմուած է 2013-ին:  Ան   համեմատաբար նորեկ   մըն է   Լիբանանի   ճատրակի այլ ակումբներու հետ  համեմատած:  Սակայն  շնորհիւ  ճատրակի  յանձնախումբին եւ  ՀԵԸ Անդրանիկ Անթիլիասի  Գործադիր Մարմինի  հետեւողական աշխատանքին,  ճատրակի  կազմը  տարուէ  տարի հաստատ  քայլերով  կը յառաջդիմէ   եւ   փայլուն արդիւնքներ կ’արձանագրէ  Ա. դասակարգի ախոյեանութեան  մրցումներուն: Միւս կողմէ, կ’արժէ նշել, որ  խմբային երկար ախոյեանութեան      ճակատագիրը  կրնար  շատ աւելի տարբեր  ըլլալ, եթէ  ՀԵԸ  Անդրանիկ  Անթիլիասի կազմէն չբացակայեր,  ծագումով լիբանանցի,   պրազիլցի Կրանտմեսթըր՝ Ֆիլիփ Տըպսը: Վերջինս,  կամքէ անկախ  պատճառներով   բացակայելով,  փաստօրէն ՀԵԸ Անդրանիկ Անթիլիաս  մէկ օտար մարզիկով  մասնակցեցաւ  ախոյեանութեան  մրցումներուն:   

 

  Ախոյեանութեան    բոլոր մրցումները   տեղի ունեցան   Լիբանանի  ճատրակի  ֆետերասիոնի  անդամներու ներկայութեան, բարեկամական   եւ մտերմիկ   մթնոլորտի  մէջ: ՀԵԸ Անդրանիկ Անթիլիասի  Գործադիր  Մարմինը  յարմարաւէտ  պայմաններ ստեղծած  էր  մասնակից բոլոր   խումբերուն   համար:  Հաճելի էր նաեւ, որ հայկական  երկու խումբեր  գրաւեցին  ախոյեանութեան  գլխաւոր դիրքերը:

ՀԵԸ Անդրանիկ Անթիլիաս կատարեց  ինը մրցում, արձանագրելով  վեց յաղթանակ, երկու  հաւասարութիւն եւ կրեց մէկ պարտութիւն: 

 Ախոյեանութեան  9-րդ   փուլի  մրցումներուն աւարտին, Լիբանանի ճատրակի ֆետերասիոնի  անդամներու, ՀԵԸ-ի Կեդրոնական Վարչութեան անդամ  Վաչէ  Մելքոնեանի,  ՀԵԸ Անդրանիկ Անթիլիասի  Գործադիր Մարմինի եւ  ճատրակի յանձնախումբի   անդամներուն ներկայութեան  տեղի ունեցաւ  մրցանակաբաշխութիւն:  

 

 

 

Ստորեւ  կը ներկայացնենք  Լիբանանի  ճատրակի  առաջին դասակարգի  երկար խմբային  ախոյեանութեան  ընդհանուր  դասաւորումը՛ իր վերջնական տեսքով:

                                                                  Յ      Հ    Պ      ԿԷՏ

  • ՀՄԸՄ Անթիթիլիաս          9      0     0         18       (46)
  • ՀԵԸ Անդրանիկ Անթիլիաս 6      2     1         14       (35)
  • Անսար                                       6      2      1        14       (32,5)
  • Ֆրերներ                                    4      3       2        11      (31,5)
  • Անիմասիոն                 5      0       4        10      (29)
  • Սովիէթներ                               3      3       3         9        (28)
  • Ահլի Սայտա                            3      1       5        7       (23,5)
  • Լիբանանեան  բանակ            2       0      7       4         (20)
  • Թանմիէ                                     0       2      7       2         (14)
  • Քֆարշիմա                       0       1      8        1       (10,5)

LEAVE A REPLY

Please enter your comment!
Please enter your name here