Սոնա Ասատրեան՝ Եւրոպայի Ճատրակի Մրցումի Մինչեւ 18 Տարեկան Աղջիկներու Ախոյեան

«Արցախփրէս»ը կը տեղեկացնէ, թէ Ռումանիոյ Մամայա քաղաքին մէջ իր աւարտին հասաւ ճատրակի Եւրոպայի պատանեկան ախոյեանութեան մրցումը: Մինչեւ 18 տարեկան աղջիկներու պայքարին մէջ յաջողութեան հասած է Սոնա Ասատրեան:

Ճատրակի վարպետը 9 միաւորներէն վաստակած է 7-ն եւ հռչակուած Եւրոպայի մինչեւ 18 տարեկան աղջիկներու մրցումի ախոյեան: Ասատրեան նաեւ 128 կէտով բարձրացուցած է իր անհատական վարկանիշը:

Մինչեւ 16 տարեկան աղջիկներու ախոյեանութեան մէջ հանդէս եկող Աննա Սարգսեան 9 միաւորներէն վաստակած 7 միաւոր եւ կիսած 2-րդ եւ 4-րդ հորիզոնականները: Սակայն, լրացուցիչ ցուցանիշներու հաշուարկէն ետք, Սարգսեան յայտնուած է 4-րդ հորիզոնականին վրայ:

Մինչեւ 10 տարեկան տղաներու առաջնութեան մէջ հանդէս եկող Ռոպերթ Փիլիպոսեան 7 միաւորով կիսած է 3-րդ եւ 7-րդ հորիզոնականները, սակայն լրացուցիչ ցուցանիշներով յայտնուած 6-րդ հորիզոնականին վրայ:

Մետալ նուաճելու լաւ հնարաւորութիւն ունեցած են մինչեւ 18 տարեկան տղաներու պայքարին մէջ հանդէս եկող Հայկ Մարտիրոսեան եւ մինչեւ 16 տարեկան տղաներու պայքարին մէջ հանդէս եկող Շանթ Սարգսեան:

Երկու հայ շախմատիստներն ալ վերջին խաղէն առաջ իրենց ենթախումբերուն մէջ կիսած են առաջին հորիզոնականը, սակայն որոշիչ խաղին՝ երկուքն ալ պարտութիւն կրած են եւ զիջած են իրենց դիրքերը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button