Արոնեան Հասաւ Ճատրակի Աշխարհի Բաժակի Մրցաշարքի Կիսաւարտական

ԹԻՖԼԻՍ.- Հայկական ճատրակի առաջատար գերվարպետ Լեւոն Արոնեան, Թիֆլիսի մէջ կայացող աշխարհի ճատրակի բաժակի մրցաշարքի ծիրին մէջ յաջողեցաւ ապահովել կիսաւարտականի իր տոմսը՝ 1.5-0.5 արդիւնքով պարտութեան մատնելէ ետք ուքրանացի գերվարպետ Վասիլի Իվանչուքը:

Արոնեան դասական ոճով կատարուած առաջին մրցումը յաղթանակով աւարտեց, իսկ երկրորդ մրցումը՝ հաւասարութեամբ։

 Երեքշաբթի, 19 Սեպտեմբերին սկսող կիսաւարտականին, Արոնեան իրեն դէմ պիտի ունենայ ֆրանսացի վարպետ Մաքսիմ Վաշիէ-Լակրաւը: Կիսաւարտականի միւս զոյգը կը կազմեն ամերիկացի Ուեսլի Սօն եւ չինացի Տինկ Լիրենը:

Նշենք, որ մրցաշարքը սկսաւ  2 Սեպտեմբերին, աշխարհի մէջ ճատրակի 128 լաւագոյն վարպետներու մասնակցութեամբ, եւ պիտի աւարտի  27 Սեպտեմբերին։

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button