«Մանկական Եւրատեսիլ-2017»-ին Հայաստանը Պիտի Կարենայ Քուէարկել Միշային

«Մանկական Եւրատեսիլ-2017» երգի միջազգային մրցոյթի քուէարկութեան կարգին մէջ կարեւոր փոփոխութիւններ տեղի ունեցած են:

Ըստ նոր կարգին` այս տարի մասնակից երկիրը առցան քուէարկութեան միջոցով պիտի կարենայ քուէարկել նաեւ իր պատուիրակի օգտին: Քուէարկութիւնը պիտի մեկնարկէ  24 Նոյեմբերէն www.junioreurovision.tv կայքին մէջ, ուր հնարաւոր պիտի ըլլայ դիտել բոլոր 16 մասնակիցներուն ելոյթներուն նախնական տարբերակները: Հեռուստադիտողը ելոյթը դիտելէն ետք պիտի կարենայ միաժամանակ քուէարկել 3, 4 կամ 5 մասնակիցի օգտին: Այս մասին կը տեղեկացնէ Առաջին ալիքի հասարակայնութեան հետ կապերու բաժինը:

Քուէարկութիւնը պիտի աւարտուի Նոյեմբեր 26-ին` մրցոյթի օրը` անմիջապէս ելոյթէն առաջ, եւ պիտի վերաբացուի մրցոյթի ընթացքին բոլոր 16 ելոյթներէն յետոյ: Տուեալ քուէարկութիւնը պիտի տեւէ 15 վայրկեան: Հեռուստադիտողի քուէն պիտի վերածուի միաւորներու, որ պիտի դառնայ մրցոյթի արդիւնքին մէկ մասը, միւս մասը պիտի ձեւաւորուի դատակազմի գնահատականին հիման վրայ: Յաղթող պիտի դառնայ ամենաշատ միաւոր հաւաքած մասնակիցը:

 «Մանկական Եւրատեսիլ-2017»-ը տեղի պիտի ունենայ 15-րդ անգամ` “Shine Bright” («Շողայ պայծառ») նշանաբանի ներքոյ: Բացի Հայաստանէն պիտի  մասնակցին եւս 15 երկիրներներու ներկայացուցիչներ` Ալպանիա, Աւստրալիա, Պելառուսիա, Կիպրոս, Իռլանտիա, Իտալիա, Մակեդոնիա, Մալթա, Հոլանտա, Ուքրանիա, Ռուսիա, Լեհաստան, Սերպիա, Փորթուկալ եւ մրցոյթը հիւրընկալող երկիրը` Վրաստան:

ՀՀ հանրային հեռուստաընկերութիւնը մրցոյթի պաշտօնական հեռարձակողն է:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button