Հայկական կողմը եւս մեկ անգամ ցույց է տալու սահմանին լարվածության նվազեցմանն ուղղված իր պատրաստակամությունը. քաղաքագետ

ԵՐԵՎԱՆ, 14 ՆՈՅԵՄԲԵՐԻ, ԱՐՄԵՆՊՐԵՍ:  Ադրբեջանական կողմը պետք է  ներկայացնի  իրական պատրաստակամություն՝ հետեւելու նախկինում ձեռք բերված պայմանավորվածություններին:

«Արմենպրես»ի հետ զրույցում նման դիտարկում կատարեց քաղաքագետ Ալեքսանդր Մարկարովը: Նրա խոսքով՝ հակամարտության խաղաղ կարգավորման համար ադրբեջանական կողմը եւս պետք է քաղաքական կամք դրսեւորի:

«Կարծում եմ, համանախագահների հետ առաջիկա հանդիպմանը եւս մեկ անգամ շեշտվելու է այն հանգամանքը, որ նախագահների հանդիպումից հետո ի հայտ է եկել այն ընկալումը, թե անհրաժեշտ է նվազեցնել լարվածության աստիճանը, սակայն դա պետք է անել ոչ միայն խոսքերով, այլեւ կոնկրետ գործողություններով: Հայկական կողմը եւս մեկ անգամ ցույց կտա իր ողջ պատրաստակամությունը՝ գնալ դեպի իրավիճակի լարվածության նվազեցում եւ հետեւել այն պայմանավորվածություններին, որոնք ձեռք են բերվել նախկինում: Խոսքը հետաքննական մեխանիզմների ներդրման, ԵԱՀԿ դիտորդների քանակի ավելացմանը հատկապես շփման գծում»,-ասաց քաղաքագետը:

Ալեքսանդր Մարկարովի կանխատեսմամբ՝ հնարավոր է, որ առաջիկայում հայկական կողմը փոխանցի իր դիրքորոշումը, որն իր մեջ կպարունակի Արցախին բանակցային գործընթացի մեջ ներգրավելու հարցը:

Քաղաքագետը,  որպես ընթացիկ տարվա  դրական գործոն, դիտարկեց, թերեւս, այն, որ սահմանային լարվածությունը չհասավ այն աստիճանի, որ կրկնվեին նախորդ տարվա դեպքերը:

Նոյեմբերի 14-ին Հայաստանի արտգործնախարար Էդվարդ Նալբանդյանը Մոսկվայում հանդիպել է ԵԱՀԿ Մինսկի խմբի համանախագահներին։

http://armenpress.am/arm/news/912374/

Կարդացէք նաև

Պոլսի Համալսարաններից Մէկում Ճնշումներ Են Սկսուել Ապրիլի 24-ին Յիշատակի Միջոցառում Իրականացրած Ուսան...
ՀՀ ՊՆ-ն բացառել է ադրբեջանական բնակավայրերի թիրախավորումը և հերքել Բաքվի ԶԼՄ-ների ապատեղեկատվություն...
Լոնդոնի փողոցներն սկսել է պարեկել հակաահաբեկչական ոստիկանությունը
ԱՄՆ պետդեպը մտահոգիչ է անվանել Թուրքիայում իր աշխատակիցների ձերբակալությունները
Հայաստանում ստեղծված են բարենպաստ պայմաններ գործարարությամբ զբաղվելու համար. ՀՀ Նախագահ

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button