Սփիւռքի Նախարարութեան ՄԷջ Տեղի Ունեցաւ «Երիտասարդ Ընտանիքի Աստուածաշունչը» Գիրքի Շնորհանդէսը

 14 Նոյեմբերին ՀՀ սփիւռքի նախարարութեան մէջ տեղի ունեցաւ  «Երիտասարդ ընտանիքի Աստուածաշունչը» գիրքի շնորհանդէսը: Գիրքը Հայաստան  բերուած է սուրիահայ ընտանիքներուն բաժնելու համար: Ձեռնարկին ներկայ էին գիրքի հայերէն տարբերակի հեղինակներ Արաբական Ծոցի Աստուածաշնչային ընկերութեան ընդհանուր քարտուղար դոկտոր Հրայր Ճեպեճեան, դոկտոր Արտա Ճեպեճեան. ինչպէս նաեւ` Ամերիկայի հայ աւետարանչական ընկերակցութեան Հայաստանի ներկայացուցիչ Յարութ Ներսէսեան, հայաստանեան կառոյցի ներկայացուցիչներ, «Սուրիահայերու հիմնախնդիրները համակարգող կեդրոն» ՀԿ-ի նախագահ Ճորճ Բարսեղեան, սուրիահայ ընտանիքներ, հիւրեր:

Ողջունելով ներկաները` ՀՀ սփիւռքի նախարար Հրանոյշ Յակոբեան կարեւոր համարեց գիրքի լոյս ընծայումը: Ան մասնաւորապէս նշեց. «Ուրախ եմ, որ Աւետարանչական ընկերակցութիւնը Հայաստանում եւս ակտիւ գործում է: Համոզուած  եմ, որ «Երիտասարդ ընտանիքի Աստուածաշունչը» հայ ընտանիքում մանուկների քրիստոնէական դաստիարակութեան կարեւոր միջոց է»:

«Երիտասարդ ընտանիքի Աստուածաշունչը» գիրքի մասին իրենց դիտարկումները ներկայացուցին եւ արժեւորեցին ՀՀ սփիւռքի նախարարի տեղակալ Սերժ Սրապիոնեան, Երեւանի պետական մանկավարժական համալսարանի Սփիւռք գիտա-ուսումնական կեդրոնի հիմնադիր, բանասիրական գիտութիւններու դոկտոր, փրոֆէսոր, գրականագէտ, գրաքննադատ Սուրէն Դանիէլեան, Ամերիկայի հայ աւետարանչական ընկերակցութեան Հայաստանի ներկայացուցիչ Յարութ Ներսէսեան, «Սուրիահայերու հիմնախնդիրները համակարգող կեդրոն» Հկ-ի նախագահ Ճորճ Բարսեղեան, ԱԱՄԸ-ի Երեւանի հովիւ Յովիկ Յովսէփեան:

Գիրքի ստեղծման աշխատանքներուն եւ նպատակներուն մասին խօսեցաւ Հրայր Ճեպեճեան: Ան շնորհակալութիւն յայտնեց Սփիւռքի նախարարութեան ու Աւետարանչական ընկերակցութեան աջակցութեան համար եւ նշեց, որ «Երիտասարդ ընտանիքի Աստուածաշունչը» արդէն հասած է Լիբանանի հայ ընտանիքներուն, շուտով կը հասնի նաեւ Հալէպ: «Շնորհակալ եմ, որ կրցայ գիրքէն խմբաքանակ մըն ալ հասցնել Հայաստան, սուրիահայ ընտանիքներուն բաժնելու համար» – աւելցուց

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button