Դանիոյ ՄԷջ Լոյս Տեսած Է Քարէն Եփփէի Մասին Պատմող Գիրք

Վերջերս Դանիոյ մէջ լոյս  տեսած է դանիացի միսիոներ Քարէն Եփփէի մասին պատմող գիրք. «Հայերն այսօր»-ի փոխանցմամբ` կը յայտնէ Գանատայի «Հորիզոն» պարբերականը` յղում կատարելով դանիական «Bogvaegten» կայք-էջին:

«Ոսկէ ծիրան» միջազգային ֆիլմի փառատօնի ժամանակ Եփփէն ներկայացուցած են որպէս «Հայերու դանիացի մայրը»: Դանիացի միսիոները 26 տարեկանին հայերու մասին դասախօսութիւն  լսած է  եւ որոշած ուսուցչութիւն ընել հայ որբ մանուկներու համար:

Եփփէն կը մեկնի Ուրֆա եւ կը միանայ գերմանացի հոգեւորական Եոհաննէս Լեփսուսի անմիջական վերահսկողութեամբ գործող որբանոց-դպրոցին:

Հայոց ցեղասպանութենէն ետք կ’երթայ Սուրիա, ուր հայ այրի կանանց համար կը ստեղծէ որբանոցներ, դպրոցներ, հիւանդանոցներ ու աշխատասենեակներ, այնուհետեւ որպէս Մերձաւոր Արեւելքի կանանց ու երեխաներու պաշտպանութեան Հալէպի կոմիտէի տնօրէն` կը փորձէ  փրկել այդ տարածքին մէջ ապաստան գտած մօտ 2 հազար հայ կանանց ու երեխաներու:

Քարէն Եփփէն հնարաւոր ամէն բան ըրած է, որպէսզի լաւ յարաբերութիւններ հաստատուին պետուիններու ու հայ գիւղացիներու միջեւ, որուն շնորհիւ Ռաքքայի շրջանին մէջ ան յաջողած է ստեղծել 6 հայկական գիւղական գաղթօճախներ, ինչպէս օրինակ` Թելարմեն, Թել Սամեն ու Չարփ Պետրոս եւ այլք:

Այսօր Քարէն Եփփէի անունով կը կոչուի Հալէպի առաջին հայկական բարձրագոյն դպրոցը, որ բացուած է 1946 թուականին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button