«Հայաստան» Հիմնադրամի Հեռուստամարաթոնի Ընթացքին Հանգանակուեցաւ 12,5 Միլիոն ԱՄՆ Տոլար

«Հայաստան» համահայկական հիմնադրամի «Հեռուստամարաթոն 2017»-ին հաւաքուեցաւ 12 միլիոն 505 հազար 456 ԱՄՆ տոլար:

Հեռուստամարաթոնէն ստացուած գումարը պիտի ուղղուի երկու խոշոր ծրագրի. Արցախի մէջ խորքային հորերու հորատման ու նոր ոռոգման ցանցի կառուցման, ինչպէս նաեւ արեւային ուժանիւթի կայաններու տեղադրման առաջին փուլով Ասկերանի շրջանին եւ Շուշիի մէջ:

Նախորդ տարի «Իմ Արցախը» խորագրի ներքոյ տեղի ունեցած հեռուստամարաթոնի ընթացքին հանգանակուած է 15.4 միլիոն ԱՄՆ տոլար: Անիկա ուղղուած է Արցախի տուժած բնակավայրերու վերականգնման, խաղաղ բնակչութեան անվտանգութեան ու պաշտպանութեան ուղղուած ձեռնարկներուն, Արցախի բազմազաւակ ընտանիքիներու համար առանձնատուներու կառուցման:

Գործունէութեան 25 տարիներու ընթացքին Հիմնադրամը մօտ 700 հազար նուիրատուներու շնորհիւ աւելի քան 50 հազար ծրագիր իրականացուցած է Հայաստանի եւ Արցախի մէջ ընդհանուր 350 միլիոն ԱՄՆ տոլար արժողութեամբ: Կառուցուած, վերակառուցուած եւ իրականացուած են աւելի քան 605 քմ․ճանապարհ, 580 քմ․ ջրագիծ ու ջրատար, 149 քմ․ կազամուղ, 70 քմ․ ելեկտրագիծ, 359 դպրոց եւ մանկապարտէզ, 24 համայնքային կեդրոն, 500 տուն եւ բնակարան, 75 առողջապահական հաստատութիւն, 58 մշակութային ու մարզական կեդրոն, 100 ջերմոց, 169 կրթական, մշակութային ու գիտական ծրագիրներ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button