Հայոց Ցեղասպանութեան Մասին Ֆիլմի Երաժշտութիւնը Առաջադրուած է «Կրեմի» Մրցանակի

Հայոց Ցեղասպանութեան մասին պատմող հոլիվուտեան «Խոստումը» ֆիլմի համանուն երաժշտութիւնը, որուն հեղինակը ու կատարողը յայտնի ռոք երաժիշտ Քրիս Քորնըլն է, առաջադրուած է «Կրեմի» մրցանակի:

Այս մասին կը յայտնէ մրցանակաբաշխութեան պաշտօնական կայքը:

Քորնըլի «Խոստումը» երգը առաջադրուած է «Լաւագոյն ռոք կատարում» անուանակարգին:

Յայտնի ռոք երաժիշտ Քրիս Քորնըլ մահացած է  Մայիս 2017-ին` 52 տարեկանին:

Ան յայտնի է որպէս Soundgarden ռոք խումբի կիթառահար ու երգահան:

Ան հեղինակած էր «Խոստումը» երգը Հայոց ցեղասպանութեան մասին պատմող հոլիվուտեան համանուն ֆիլմին համար: Խօսելով ֆիլմին մասին` երգիչը ըսած էր. «Մենք պէտք է տեղեակ ըլլանք անցեալին տեղի ունեցած դէպքերու մասին: Ատիկա շատ կարեւոր է ինծի համար, քանի որ մենք չենք պատմեր պարզապէս մէկդարեայ հնութեան պատմութիւն, մենք կը խօսինք այն պատմութեան մասին, որ տեղի կ՛ունենայ այսօր»:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button