Մոսկուա Եւ Պաքու Տարբեր Քաղաքական Շահեր Ունին. Ռուսիոյ Նախկին Դեսպան

ԵՐԵՒԱՆ, «Նիուզ».- Ատրպէյճանի մօտ Ռուսիոյ դեսպան Վլատիմիր Տորոխին իր հրաժեշտի ուղերձին ընթացքին ըսած է, թէ Պաքու եւ Մոսկուա բազմաթիւ հարցերու մէջ քաղաքական տարբեր շահեր ունին:

Ատրպէյճանական «Էյ.Փի.Էյ.» լրատուական կայքը կը նշէ, թէ դեսպանը նաեւ ըսած է. «Ռուսիա եւ Ատրպէյճան տարբեր ծաւալներով, մտածելակերպով ու մշակոյթով երկիրներ են։ Այնուամենայնիւ, մենք սորված ենք իրարու հետ հաշտ ըլլալ»։

Ռուսիոյ դեսպանը աւելցուցած է, որ ինք Ատրպէյճան գացած էր մօտաւորապէս ինը տարի առաջ, քաղաքական յստակ հրահանգով մը՝ «ամէն ձեւով ամրապնդել Ատրպէյճանի հետ յարաբերութիւնները»:

Նախապէս հաղորդուած էր, որ Վլատիմիր Տորոխին Ռուսիոյ նախագահին որոշումով՝  27 Նոյեմբերին տուն կանչուած է, իսկ Պաքու չէ ընդունած Ռուսիոյ նոր դեսպանին թեկնածութիւնը՝ անոր «հայամէտ» դիրքորոշումին պատճառով:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button