Սպիտակ Տունը 2019-ի Համար Միայն 3,24 Միլիոն Տոլարի Տնտեսական Նպաստ Կ՛առաջարկէ Հայաստանին

0
79

ԵՐԵՒԱՆ, «Թերթ».- 12 Փետրուարին, Միացեալ Նահանգներու նախագահ Տոնալտ Թրամփի վարչակազմը հրապարակած է պետական յաջորդ ամավարկի առաջարկը, որ զգալի կրճատումներ կը նախատեսէ միջազգային օգնութեանց մարզին մէջ։

«Ուաշինկթըն Փոսթ» կը գրէ, թէ առաջարկուած կրճատումներուն մեծ մասը շատ հաւանաբար չիրականայ, ինչպէս պատահեցաւ անցեալ տարի, երբ Քոնկրեսը մերժեց նման փորձ մը։

Սպիտակ տան կողմէ առաջարկուած է 2018-ին Հայաստանին տրամադրել 4 միլիոն տոլարի տնտեսական աջակցութիւն, իսկ 2019-ին՝ միայն 3շ24 միլիոն տոլարի: Վրաստանի համար 2018-ին 28 միլիոն տոլարի տնտեսական օգնութիւն առաջարկուած է, իսկ 2019-ին՝ 25 միլիոն տոլարի: Նաեւ, Ատրպէյճանին ոչ մէկ տնտեսական աջակցութիւն առաջադրուած է 2018-ին, իսկ 2019-ին՝ 3 միլիոն տոլարի օգնութիւն։

Հայաստանի ռազմական վերապատրաստութեան համար առաջադրուած գումարը՝ 2018ին եւ 2019ին, տարեկան 600,000 տոլար է: Նոյնքան գումար առաջարկուած է Ատրպէյճանին համար, իսկ Վրաստանի համար՝ տարեկան 2,2 միլիոն տոլարի ռազմական օգնութիւն:

Նաեւ, հակառակ անոր որ 2017-ին ռազմական 1 միլիոն տոլարի օգնութիւն տրամադրուած էր Հայաստանին, 2018-ի եւ 2019-ի համար ոչինչ առաջարկուած է այդ առնչութեամբ։ Նոյնն է պարագան Ատրպէյճանի եւ Վրաստանի։

Թմրանիւթերու միջազգային վերահսկողութեան ոլորտին մէջ, 2018-ին եւ 2019-ին կը նախատեսուի 1.5 միլիոնական տոլար յատկացնել Հայաստանին, իսկ Վրաստանին՝ 3 միլիոն տոլար: Ատրպէյճանը այս ցանկին վրայ նկատի չէ առնուած:

LEAVE A REPLY

Please enter your comment!
Please enter your name here