ՊԸՐՐԻ 15 ՄԱՅԻՍԷՆ ԵՏՔ ՊԻՏԻ ՀՐԱՒԻՐԷ ԽՈՐՀՐԴԱՐԱՆԻ ՆԻՍՏ

Խորհրդարանի նախագահ Նեպիհ Պըրրի  յայտարարեց, թէ խորհրդարանը նիստի մը պիտի հրաւիրէ   15 Մայիսէն ետք: Նախքան այդ՝ ոչ: Պըրրի   շեշտեց, թէ  իր հրաւիրելիք նիստը պիտի  ըլլայ բաց, մինչեւ   ընտրական համախոհական   օրինագիծի մը  մշակումը:  Այս   ուղղութեամբ  Պըրրի  սկսած է   հանդիպումներ ունենալ խորհրդարանական  պատուիրակութիւններու հետ: Ան դիտել տուաւ, որ համախոհական  օրինագիծ մը բացառուելու պարագային, խորհրդարանը  պիտի կրէ իր պատասխանատուութիւնը, որուն հետեւանքով  օրակարգի  վրայ պիտի   ներկայացուի խորհրդարանին  պաշտօնավարութեան    ժամկէտը երկարաձգելու հարցը:  Ան  հարց տուաւ, թէ  կառավարութիւնը ինչպէ՞ս պիտի   կառավարէ, առանց խորհրդարանի  բացակայութեան:  Գալով  երկարաձգումի    ժամկէտին, ան յայտնեց, թէ  կարելիութիւնները   բաց  են՝  վեց ամիսէն մինչեւ չորս տարի: Պըրրի երէկ  ընդունեց  Լիբանանի  մօտ Սուրիոյ դեսպան Ալի  Ապտէլ Քարիմ Ալին:  Հանդիպումն ետք, դեսպանը  յայտարարեց, թէ  Սուրիոյ մէջ կատարուողը    շրջանը քանդելու եւ  Իսրայէլը   հզօր պահելու  նպատակով խռովարարութիւն մըն է:  Ան նաեւ  դիտել տուաւ, որ  Լիբանանի սահմանամերձ սուրիական  գիւղերուն մէջ կ’ապրին մեծ թիւով լիբանանցիներ: «Անբնական  չէ երբ,  լիբանանցիները ինքնապաշտպանութեան կը  դիմեն  ահաբեկչիներուն դէմ». Ըսաւ ան:   Պըրրի նաեւ  ընդունեց  Լիբանանի մօտ ՄԱԿ-ի  յատուկ պատուիրակ Տերէք  Փլամլին:  Հանդիպումէն ետք,  վերջինս  շեշտեց   շրջանային հակամարտութիւններուն  հանդէպ   չէզոքութեան քաղաքականութիւնը շարունակելու անհրաժեշտութիւնը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button