ՄԱՀԱՓՈՐՁ ՍՈՒՐԻՈՅ ՎԱՐՉԱՊԵՏԻՆ ԴԷՄ

Երէկ առաւօտեան  Մեզէ թաղամասին մէջ գործող  Ըպն Զահր վարժարանին եւ հանրային  պարտէզին մօտ պայթեցաւ  ականուած ինքնաշարժ  մը: Պայթումին հետեւանքով  սպաննուեցան վեց անձեր: Վիրաւորներուն  թիւը կ’անցնի  տասնհինգը: Պայթումին  թիրախը  վարչապետ Ուայէլ  Հալքին էր, որուն  շքախումբը   այդ պահուն  կ’անցնէր թաղամասէն:   Ռուսիոյ արտաքին գործոց նախարար Սերկէյ Լաւրով դատապարտեց  պայթումը: Ան  միաժամանակ  զգուշացուց Արեւմուտքը՝ Իրաքի  տարբերակը  Սուրիոյ  պարագային կրկնելու  փորձերէն:  Լաւրով  յայտնեց, թէ  Մոսկուա անհիմն կը նկատէ իշխանութեան հասցէին քիմիական  զէնք օգտագործելու մասին Արեւմուտքի ամբաստանութիւնները: Ռուսիոյ դիրքորոշումը Սուրիոյ հարցով չէ փոխուած. կողմերը պէտք է դադրեցնեն բռնութիւնը ու բանակցութիւններու սեղանի շուրջ նստին, յայտարարեց  Լաւրով՝ Մոսկուայի մէջ սարքած  մամլոյ ասուլիսի մը ընթացքին:

Պատասխանելով  Միացեալ Նահանգներու ու Մեծ Բրիտանիոյ Սուրիոյ քիմիական զէնքի կիրառման մասին հարցումին` Լաւրով նշեց, որ « Միացեալ Նահանգներ  չէ կատարած  նման միանշանակ յայտարարութիւններ»: «Ուաշինկթըն շատ զգոյշ կը մեկնաբանէ քիմիական զէնքի կիրառման մասին հաղորդագրութիւնները»,-ըսաւ Լաւրով:

Ֆրանսայի արտաքին գոծոց նախարար  Լորան Ֆապիւս յայտարարեց, թէ   Ֆրանսա   ապացոյցներ  չունի Սուրիոյ մէջ  քիմիական զէնքի կիրառման վերաբերեալ:

 Այլ գետնի վրայ,  վառելանիւթ  փոխադրող   սուրիական  հինգ  բեռնատարներ,  երէկ առաւօտեան  հատեցին  լիբանանեան սահմանը եւ մուտք  գործեցին Սուրիա:

Իրանի իսլամական յեղափոխութեան հոգեւոր առաջնորդ   Այաթոլլա  Ալի Խամենէի յայտարարեց, թէ լրատուական կարգ մը աղբիւրներ  կեցած  են  Սուրիոյ   քանդիչ պատերազմի ետին:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>