ՌՈՒՄԲԵՐ ՀԱԼԷՊԻ ՀԱՅԱՇԱՏ ԹԱՂԱՄԱՍԵՐՈՒ ՎՐԱՅ

Հալէպի հայաշատ Սուլէյմանիէ թաղամասին մէջ յաջորդաբար 4-5 ականներ պայթած են: Բերիոյ թեմի ազգային առաջնորդարանի բանբեր Ժիրայր Ռէյիսեան հաստատեց այս լուրը:
Ան նշեց, որ պայթումները տեղի ունեցած են շատ բանուկ թաղամասերու մէջ. ըստ նախնական տուեալներու՝ առնուազն երկու անձ զոհուած է, կան նաեւ վիրաւորներ: Զոհերուն ինքնութիւնն ու ազգային պատկանելութիւնը տակաւին չեն ճշդուած։
Անդրադառնալով Հալէպի մէջ տիրող իրավիճակին՝ Ժիրայր Ռէյիսեան ընդգծեց, որ քաղաքին մէջ հիմնական փոփոխութիւններ չկան: Քաղաքի կեդրոնական թաղամասերը ներկայիս համեմատաբար հեռու են բուն բախումներու գօտիէն, սակայն շրջակայքը տեղի ունեցող կռիւներուն ձայները լսելի են։
«Քաղաքը չէ ձերբազատած իր տնտեսական տագնապէն, ելեկտրականութեան, հաղորդակցութեան դժուարութիւններէն, սղաճը օրըստօրէ կը սաստկանայ: Մարդիկ կը սպասեն, որ բան մը փոխուի ո՛չ թէ յայտարարութիւններով, այլ գործնականօրէն կ՛ուզեն դրական բան մը տեսնել».յայտնեց  Ռէյիսեան:  Անդրադառնալով Հալէպի շրջափակուած իրավիճակին՝ Ռէյիսեան յայտնեց,- «Օդակայնը տակաւին փակ է, իսկ ցամաքի ճամբան, դուն եւ բախտդ, հանրակառքեր ամէն օր կան, կարծես կիներուն նուազ հարց կը ստեղծեն, իսկ այր մարդոց բան չեմ կրնար ըսել, համարձակողներէն երբեմն տեղ հասնողներ կ’ըլլան եւ երբեմն կ’առեւանգուին, իսկ քաղաքը դեռ շրջափակման տակ է».- ըսաւ Ժիրայր Ռէյիսեան:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button