Տինքի Գործով Երկու Կասկածեալներ Ազատ Արձակուած Են

0
27

Թուրքիոյ հայկական «Ակօս» թերթի գլխաւոր խմբագիր Հրանդ Տինքի սպանութեան գործով երկու կասկածեալներ ազատ արձակուած են: «Ակօս»-ի տեղեկացմամբ` Տինքի գործով զբաղող Պոլսոյ ծանր յանցագործութիւններու 14-րդ դատարանը քննութեան առած է կասկածեալներ Օքան Շիմշեքի եւ Վէյսել Շահինի բողոքը: Վերջիններս կալանքի տակ կը գտնուէին, սակայն դատարանը բաւարարած է անոնց բողոքը եւ ազատ արձակած:

Դատական վճիռին մէջ որպէս հիմնաւորում նշուած է, որ Շիմշեքն ու Շահինը իրենց պարտականութիւններու ծիրէն ներս իրենց ստացած տեղեկութիւնները առանց ուշացնելու հաղորդած են վերադասներուն, չեն օգտուած «Bylock» բջիջային յաւելուածէն: Դատարանը ընդգծած է, որ կալանաւորումը այս երկու կասկածեալներուն համար եղած է միայն որպէս խափանման միջոց, բացի այդ, հնարաւոր է, որ փոխուի անոնց առաջադրուած մեղադրանքի բնոյթը:

Միեւնոյն ժամանակ, դատարանը Շահինին եւ Շիմշեքին արգիլած է երկրէն հեռանալ եւ անոնց նկատմամբ դատական վերահսկողութիւն սահմանած է:

Օքան Շիմշեքը եւ Վեյսել Շահինը Հրանդ Տինքի սպանութենէն առաջ եղած են Տրապիզոնի ուստիկանութեան հետախուզական բաժինի աշխատակիցներ եւ Ճոշքուն Իղիջիէն տեղեկացած են, որ կը նախապատրաստուի Տինքի սպանութիւնը: Դատարանին մէջ ցուցմունք տուած ատեն անոնք նշած են, որ այդ տեղեկութիւնը ժամանակին հաղորդած են հետախուզական բաժինի ղեկավարութեան, սակայն որեւէ գործողութիւն ձեռնարկելու հրահանգ չեն ստացած: Կը գրէ Ermenihaber.am-ը

LEAVE A REPLY

Please enter your comment!
Please enter your name here