ԹՈՒՐՔ ՆԱԽԱՐԱՐԸ ԿԸ ՀԱՍՏԱՏԷ ՔԻՒՐՏԵՐՈՒ ՀԵՏ ՍԱԿԱՐԿՈՒԹԻՒՆԸ

Թուրքիոյ հաղորդակցութեան նախարար Պինալի Եըլտըրըմ անդրադարձաւ քրտական տագնապը լուծելու նպատակով սկսած նոր գործընթացին, եւ պատասխանելով այն պնդումներուն, թէ կառավարութիւնը գաղտնի սակարկութիւն մը ըրած է Քիւրտիստանի Աշխատաւորական  Կուսակցութեան հետ՝ ըսաւ. «Այո՛, սակարկութիւն մը ըրած ենք, բայց ասիկա «մէկ պետութիւն, մէկ ազգ, մէկ դրօշակ, մէկ հայրենիք»ի սակարկութիւն էր։ Ասկէ տարբեր սակարկութիւն մը չունինք»։
Նախարարը աւելցուց. «Ո՛չ մէկը պէտք է շահագործէ այս շրջանը։ Ասիկա շատ կարեւոր հանգրուան մըն է։ Այս գործընթացին մէջ ամէն մարդ պէտք է բերէ իր նպաստը։ Մինչեւ այսօր ահաբեկչութեան դէմ պայքարի պատճառաւ կորսնցուցինք 400 միլիառ տոլար։ Մինչդեռ այս դրամով կրնայինք 400 հատ Պողազիչիի կամուրջ կառուցանել։ Յուսանք, որ ասկէ ետք մեր դրամները միայն օգտակար ձեռնարկներու համար կը գործածենք»։
Եըլտըրըմ նաեւ կոչ ըրաւ քաղաքագէտներուն, որ «աւելի հաւասարակշռուած մօտեցում ցոյց տան այս հարցին»։

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button
 

STAINLESS STEEL

 

–>