ՀԵԸ ԱՆԴՐԱՆԻԿ ՊԷՅՐՈՒԹԻ ՏՂԱՔԸ ԱՌԱՋԻՆ ԴԻՐՔԻ ՎՐԱՅ ԱՒԱՐՏԵՑԻՆ ԼԻԲԱՆԱՆԻ ՊԱՍՔԵԹՊՈԼԻ Բ. ԴԱՍԱԿԱՐԳԻ ԱԽՈՅԵԱՆՈՒԹԵԱՆ ԽՄԲԱՅԻՆ ՀԱՆԳՐՈՒԱՆԻ ՄՐՑՈՒՄՆԵՐԸ

0
62

ՀԵԸ Անդրանիկ  Պէյրութի  տղաքի  յաղթանակով  աւարտեցին  Լիբանանի պասքեթպոլի  Բ. Դասակարգի ախոյեանութեան խմբային հանգրուանի  (Ֆայնըլ Էյթ) վերջին  մրցումը, երբ՝ 72-65 արդիւնքով  պարտութեան մատնեցին Անիպալ Զահլէն, այս վերջնոյն դաշտին  մէջ, Զահլէ: Շնորհիւ  յաջորդական յաղթանակներուն, ՀԵԸ Անդրանիկ  Պէյրութ  հասաւ Լիբանանի պասքեթպոլի  Բ. Դասակարգի ախոյեանութեան  Ոսկէ Քառեակ՝ «Ֆայնըլ Ֆոր»  հանգրուանը:

ՀԵԸ  Անդրանիկ Պէյրութի տղաքը, խմբային հանգրուանին կատարեցին վեց մրցում, արձանագրելով  վեց յաղթանակ: Նշենք, թէ   ՀԵԸ  Անդրանիկ Պէյրութ նախապէս  առաջին դիրքի վրայ աւարտած էր  Լիբանանի   Բ. Դասակարգի ախոյեանութեան մրցումները:

«Ֆայնըլ ֆոր»ին ՀԵԸ Անդրանիկ Պէյրութի  մրցակիցը պիտի  ըլլայ Աթլասը:  Զոյգ  խումբերուն միջեւ առաջին հանդիպումը  պիտի  կայանայ  ՀԲԸՄ-ի Տեմիրճեան  Կեդրոնին մէջ: ՀԵԸ Անդրանիկ Պէյրութ կը վայելէ «Հոմ Գորթ»ի առաւելութիւն, նկատի ունենալով, որ ախոյեանութեան եւ  «Ֆայնըլ  Էյթ»ի  մրցումներէն ետք  միանձնեայ  կը գլխաւորէ Բ.դասակարգի ախոյեանութեան  ընդհանուր դասաւորումը:

Յաջողութիւն  ՀԵԸ  Անդրանիկ Պէյրութի  մարզիկներուն եւ մարզչական կազմին:

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ

LEAVE A REPLY

Please enter your comment!
Please enter your name here