Հանրահաւաք` «Ազատութիւն» Հրապարակին Վրայ

0
60

Հայաստանի Ազգային ժողովի «Ելք» խմբակցութեան ղեկավար, «Քաղաքացիական պայմանագիր» կուսակցութեան վարչութեան անդամ Նիկոլ Փաշինեան երէկ իր խումբի անդամներուն հետ քայլարշաւ կատարած է, ապա հանրահաւաք` «Ազատութիւն» հրապարակին վրայ, որ կը կրէ «Ընդդէմ Սերժ Սարգսեանի վարչապետացման» խորագիրը եւ նախատեսուած է մինչեւ 17 ապրիլ:

Նիկոլ Փաշինեան յայտարարած է, որ հոն հասնելէ առաջ իրենք հետիոտն շրջագայած են Հայաստանի մեծ քաղաքները` Գիւմրի, Վանաձոր, Սպիտակ, Դիլիջան, Աբովեան, Հրազդան, ընդհանուր` 214 քիլոմեթր: Ան աւելցուցած է, որ այս արշաւը կը կատարուի յանուն Հայաստանի քաղաքացիին, ընդդէմ արտագաղթի եւ յանուն կեանքի` համերաշխութեան ձեռք երկարելով ընդդիմադիր քաղաքական ուժերուն:

Հանրահաւաքէն ետք ցուցարարները տեղափոխուած են Ֆրանսայի հրապարակ` խանգարելով բնականոն երթը Մաշտոց ֊ Սայաթ Նովա ֊ Բաղրամեան փողոցներու հատման վայրին մէջ: Հայաստանի ոստիկանութիւնը յորդորած է ցուցարարները` զգօն ըլլալ եւ օրէնքները չխախտել, ինչպէս նաեւ յիշեցուցած է, որ գիշերային ժամերուն պէտք չէ աղմկել` շրջանի բնակիչները չխանգարելու համար:

LEAVE A REPLY

Please enter your comment!
Please enter your name here