Բոլոր Մարզերուն Մէջ Համայնքներու Պիւտճէներու Եկամուտները Աճ Արձանագրած Են

0
29

ԵՐԵՒԱՆ, «Արմէնփրէս».- Հայաստանի բոլոր մարզերուն եւ մայրաքաղաքի համայնքային պիւտճէներու սեփական եկամուտները 2018ի առաջին եռամսեակին աճած են 2017ի նոյն ժամանակահատուածին հետ համեմատած:

Վարչապետի պաշտօնակատար Կարէն Կարապետեան իր «ֆէյսպուք»ի էջին վրայ այս մասին անդրադառնալով՝ կը գրէ. «Դեռեւս անցած տարի մեր առջեւ ամբիցիոզ (փառասէր-Խմբ.) խնդիր էինք դրել սեփական եկամուտների աճ ապահովել: Այս տարուայ առաջին եռամսեակի համայնքների բիւջէների սեփական եկամուտների վերաբերեալ վիճակագրութիւնը, որի համաձայն՝ ունենք աճ բոլոր մարզերում, վկայում է, որ ճիշդ ուղու վրայ ենք»:

Համաձայն հրապարակուած տեղեկութիւններուն՝ ամէնէն բարձր աճը արձանագրուած է Տաւուշի մէջ՝ 61.3 տոկոս, ամէնէն ցածը՝ Սիւնիքի՝ 7 տոկոս: Արարատ մարզին մէջ աճը կազմած է 51.6, Շիրակի մէջ՝ 39.6, Լոռիի մէջ՝ 34.5, Կոտայքի մէջ՝ 30.5 տոկոս: Երեւանի մէջ աճը 17.6 տոկոս է:

LEAVE A REPLY

Please enter your comment!
Please enter your name here