Վարչապետը Պէտք է Ընտրուի Ազգային Ժողովի Մէջ. Փաշինեան

0
66

Ազգային ժողովի պատգամաւոր, քաղաքացիական շարժումն առաջնորդող Նիկոլ Փաշինեան այսօր ըսած է,   որ վարչապետի պաշտոնակատար Կարէն Կարապետեանի առաջարկած արտահերթ խորհրդարանական ընտրութիւններու իրականացման պարագային իրենք պիտի պոյքոթեն զայն։

«Կ՛ուզեն Կարէն Կարապետեանը նշանակել վարչապետ` մտածելով, որ ժողովուրդը այնքան միամիտ է, որ կը համաձայնի մէկ հանրապետականը ուրիշ հանրապետականով մը փոխարինելուն»,- «Ազատութիւն» ռատիոկայանին ըսած է Նիկոլ Փաշինեան:

Լրագրողը յիշեցուցած է վարչապետի պաշտօնակատար Կարէն Կարապետեանի յայտարարութիւնը, թէ հրապարակի վրայ վարչապետ ընտրելը կը հակասէ օրէնքին, Նիկոլ Փաշինեան նշած է, որ ան լաւ չէ հասկցած:

«Վարչապետը պէտք է ընտրուի Ազգային ժողովի մէջ, օրէնքին համապատասխան պէտք է առաջադրուի Ազգային Ժողովի խմբակցութիւններուն կողմէ, իսկ մինչ այդ ժողովուրդը հրապարակի վրայ պէտք է համաձայնութեան տայ ոեւէ թեկնածուի»,- ըսած է ան:

Նիկոլ Փաշինեան նաեւ ըսաւ, որ ՀՀԿ-ն իշխանութիւն չէ եւ պէտք չէ ըլլայ: Ըստ անոր`  եթէ ՀՀԿ-ն իրականացնէ արտահերթ ընտրութիւններ, կը կարծէ` իրենց առաջին հազաղդեցութիւնը պիտի ըլլայ այն, որ իրենք պիտի պոյքոթեն եւ այդ ընտրութիւնները պիտի չկայանան:

«Ժողովուրդը յաղթած է, եւ ժողովուրդին յաղթանակի արդիւնքները հիմա պէտք է արձանագրեն»,- նշած է ան:

LEAVE A REPLY

Please enter your comment!
Please enter your name here