Պաշտօնաթող Վարչապետ Սերժ Սարգսեան Ուղերձ Յղած է ՀՀ ԱԺ Հանրապետական Ֆրակցիայի Պատգամաւորներուն

0
53

ՀՀ 3-րդ նախագահ, ՀՀԿ նախագահ Սերժ Սարգսեան ուղերձ յղած է Ազգային ժողովի Հանրապետական խմբակցութեան պատգամաւորներուն: Այս մասին կը յայտնեն ՀՀԿ մամուլի ծառայութենէն։ Ուղերձին մէջ ըսուած է.

«Յարգելիներս,

Ստիպուած եմ մէկ անգամ եւս հրապարակաւ հանդէս գալու ի լուր մեր ողջ ժողովուրդին, բայց այս անգամ դիմելով ձեզի: Որքան ալ հրաժարականէս ետք տրամադրուած էի չմիջամտել քաղաքական գործընթացներուն, հիմա կը կարծեմ, որ պարտաւոր եմ ատիկա ընելու:

Կը հրաւիրեմ ձեզ հանդիպման, որպէսզի աւելի հանգամանալից բացատրեմ իմ հրաժարականի պատճառները, իմ դիտարկումները ներկայացնեմ կուսակցութեան ապագայի, կուսակցութեան նոր առաջնորդութեան եւ բարեփոխման կարեւորութեան, տարբերուող դերակատարումով Խորհրդարանին մէջ աշխատելով երկրի զարգացման նպաստելու վերաբերեալ:

Կը հրաւիրեմ ձեզ խօսելու խաղաղութեան ու կայունութեան մասին, իսկ հանդիպումը կը կազմակերպէ ՀՀԿ ֆրակցիայի ղեկավարը:

Յարգանքով, Սերժ Սարգսեան»:

LEAVE A REPLY

Please enter your comment!
Please enter your name here