«Ծառուկեան» Դաշինքը Որոշեց Միաձայն Քուէարկել Փաշինեանի Օգտին

0
73

Ազգային ժողովի մէջ այսօր տեղի ունեցաւ Հայաստանի երրորդ նախագահ Սերժ Սարգսեանի եւ Հանրապետական կուսակցութեան յետագայ իշխանավարման դէմ պայքարը գլխաւորող Նիկոլ Փաշինեանի հանդիպումը «Ծառուկեան» դաշինք խմբակցութեան հետ:

Հանդիպման արդիւնքով, որուն, ի դէպ, դաշինքի եւ «Բարգաւաճ Հայաստան» կուսակցութեան առաջնորդ Գագիկ Ծառուկեան չէր մասնակցեր, խմբակցութիւնը որոշեց Հայաստանի վարչապետի ընտրութիւններու ատեն միաձայն քուէարկել Փաշինեանի օգտին:

Հանդիպումէն ետք խմբակցութեան ներկայացուցիչ Նայիրա Զոհրաբեան «Ազատութեան» ըսած է, որ կառավարութեան «Ծառուկեան» դաշինքի մաս կազմելու հարց չէ քննարկուած: Ան նաեւ նշեց, որ վարչապետի ընտրութենէն ետք անպայման պիտի քննարկուի Ընտրական օրէնսգիրքի բարեփոխման հարցը:

Ընդդիմադիր «Ծառուկեան» դաշինքը Ազգային ժողովի մէջ ունի 31 պատգամաւոր:

Երէկ երեկոյեան Հանրապետութեան հրապարակի վրայ կայացած հանրահաւաքին մէջ Նիկոլ Փաշինեան յայտարարեց, որ պատրաստ է «պատասխանատու ձեւով ստանձնելու Հայաստանի Հանրապետութեան վարչապետի պաշտօնը»:

Խորհրդարանը  1 Մայիսին նշանակուած յատուկ նիստի ընթացքին նոր վարչապետ պիտի ընտրէ:

LEAVE A REPLY

Please enter your comment!
Please enter your name here