Յայտնի է Վարչապետի Յաջորդ Ընտրութեան Օրը

0
69

Հայաստանի վարչապետի ընտրութեան երկրորդ փուլը տեղի պիտի ունենայ  8 Մայիսին` ժամը 12:00-ին, Ազգային ժողովի յատուկ նիստի ընթացքին: Այս մասին հաղորդագրութիւն տարածած ՀՀ Ազգային ժողովի նախագահ Արա Բաբլոյեան:

«Համաձայն «Ազգային ժողովի կանոնակարգ» Հայաստանի Հանրապետութեան սահմանադրական օրէնքի 140-րդ յօդուածի 3-րդ մասի` կը յայտարարեմ, որ վարչապետի ընտրութեան հարցը պիտի քննարկուի 8  Մայիսին` ժամը 12:00-ին, իրաւունքի ուժով գումարուող Ազգային ժողովի յատուկ նիստի ընթացքին»,- ըսուած է յայտարարութեան մէջ:

Վարչապետի ընտրութեան առաջին փուլը տեղի ունեցաւ Մայիս 1-ին: Առաջադրուած միակ թեկնածուն Ազգային ժողովի «Ելքէ խմբակցութեան ղեկավար Նիկոլ Փաշինեանն էր: Վարչապետի պաշտօնին անոր թեկնածութեան թեր քուէարկեց 45, դէմ` 56 պատգամաւոր: Առաջին փուլին վարչապետի ընտրութիւնը չկայացաւ:

ՀՀ Սահմանադրութեան 149-րդ յօդուածի 3-րդ կէտի համաձայն` Վարչապետ չընտրուելու պարագային քուէարկութենէն եօթ օր ետք տեղի կ՛ունենայ վարչապետի նոր ընտրութիւն, որուն մասնակցելու իրաւունք ունին պատգամաւորներու ընդհանուր թիւի առնուազն մէկ երրորդի առաջադրած վարչապետի թեկնածուները: Եթէ պատգամաւորներու ընդհանուր թիւի ձայներու մեծամասնութեամբ վարչապետ չ՛ընտրուի, ապա Ազգային ժողովը կ՛արձակուի իրաւունքի ուժով:

LEAVE A REPLY

Please enter your comment!
Please enter your name here