ՀԱՅՐԵՆԻ ԳԱՐՈՒՆ

0
60

Գարունն իր սիրտն է բացեր …

Ծաղկանոյշներ գոյնզգոյն

Բռնած հովի ձեռքերէն՝

Ծաղիկներու թերթերէն սիրատոմսեր կը բաժնեն …

Վարդեր վարդե՜ր ու վարդեր …

Կարծես կարմիր է թափուէր

Մէկ համբոյրով կարմրող աղջիկներու այտերէն …

Կարծես աղջկանց կը զմայլին

Կակաչները բաց-բերան,

Կարծես մէջը շափրակին՝ սեւուկ աչք կայ տղեկի …

Գորգ են բացեր քիչ մ՛անդին

Ապրիմ-մեռնիմ ծաղիկներ,

Անոյշ հով մը շուրջ մէկին կ՛ըսէ «կ՛ապրիմ քեզ համար » …

Ու թեւիկներ սիրահար

Թռչկելով սարէ սար

Փաշինեանի գարունէն՝ նոր գարուն մը կ՛աւետեն …

Գրող՝ ճարտարագէտ Թադէոս Եսայեան

Պատկերի ձեւաւորում՝ Շաքէ Մանկասարեան

 

LEAVE A REPLY

Please enter your comment!
Please enter your name here