Եուրի Օկանէսեանին Շնորհուած Է ՀՀ Քաղաքացիութիւն

0
97

Հանրապետութեան նախագահ Արմէն Սարգսեան այսօր հիւրընկալած է Ռուսաստանի Դաշնութեան Դուբնայի միջուկային հետազօտութիւններու միացեալ հիմնարկի Ֆլեորովի անուան միջուկային հիւլէական բարդ աշխատանոցի գիտական ղեկավար, Ռուսաստանի Գիտութիւններու ակադեմիայի ակադեմիկոս, Հայաստանի Հանրապետութեան Գիտութիւններու ազգային ակադեմիայի արտասահմանեան անդամ Եուրի Օկանէսեանին:

Նախագահ Սարգսեան ըսած է, որ յուլիս 11-ին հրամանագիր  ստորագրած է Եուրի Օկանէսեանին Հայաստանի Հանրապետութեան քաղաքացիութիւն շնորհելու մասին: Այդ առիթով շնորհաւորելով անուանի գիտնականը` Հանրապետութեան նախագահը շատ բարձր  գնահատած է անոր աւանդը միջուկային բնագիտութեան զարգացման բնագաւառին մէջ, նշելով, որ Եուրի Օկանէսեանի գիտական վաստակով ու նուաճումներով կը հպարտանան ողջ երկիրն ու ժողովուրդը:

Նախագահ Սարգսեան եւ Եուրի Օկանէսեան քննարկած են ճառագայթման արտադրութեան եւ ախտորոշման  կեդրոնի ծրագիրի իրագործման ընթացքը:

Հանրապետութեան Նախագահը ողջունած է անուանի գիտնականի պատրաստակամութիւնը` աջակցելու Հայաստանի մէջ  գիտութեան զարգացման, ինչպէս նաեւ ներդրում ունենալու երիտասարդ գիտնականներու կրթութեան եւ յառաջընթացի գործին մէջ:

Հանդիպման մտքեր  փոխանակուած են նաեւ Հայաստանի մէջ գիտութեան զարգացման հեռանկարներուն վերաբերեալ:

LEAVE A REPLY

Please enter your comment!
Please enter your name here