ՕՐԻՆԱԿԵԼԻ ՆԱԽԱՁԵՌՆՈՒԹԻՒՆ

0
135

ԳՆԵՑԷՔ  ՀԱՅԱՍՏԱՆԷՆ

Քուէյթահայ գործարար, հրապարակագիր Կիրակոս Գույումճեան Հայաստանի եւ Արցախի տնտեսութիւնը աւելի բարգաւաճ դարձնելու նպատակով հանդիպումներու շարք մը ունեցաւ Սփիւռքի նախարարին, հայրենի պատասխանատուներու, գործարարներու եւ մամուլի ներկայացուցիչներու հետ:

Կիրակոս Գույումճեան քննարկումներուն ընթացքին ներկայացուց նախաձեռնութիւն մը՝ զբօսաշրջիկներուն,ժամանակաւոր կեցութեամբ Հայաստան եւ Արցախ  այցելողներուն թելադրել տեղական շուկայէն կատարել իրենց անմիջական գնումները  նաեւ նկատի ունենալով հայրենի շուկային մրցունակ գիները եւ ապրանքներուն բարձր որակը:

Կիրակոս Գույումճեան համոզուած է, որ առեւտուրի զարգացման ճանապարհով պիտի ձեւաւորուին փոքր տնտեսութիւններ եւ զարկ պիտի տրուի հայրենական արտադրութեան:

Կոչ կ’ընենք իւրացնելու Կիրակոս Գույումճեանի «Գնեցէք Հայաստանէն – Shop in Armenia» նախաձեռնութիւնը, սատարել հայրենիքի տնտեսական վերելքին եւ հայրենաշինութեան:

LEAVE A REPLY

Please enter your comment!
Please enter your name here