Փոխվարչապետը Գողցուած Հանրային Ունեցուածքը Վերականգնելու Համար Դիմած է Համաշխարհային Դրամատան

0
202

Հայաստանի առաջին փոխվարչապետ Արարատ Միրզոյեան դիմած է Համաշխարհային դրամատան ղեկավարութեան՝ Հայաստանէն թալանուած ունեցուածքի վերադարձին հարցով:

«Գաղտնիք չէ, որ կաշառակեր դարձած հասարակութիւններու մէջ փտածութեան, հանրային միջոցներու իւրացման եւ այլ ապօրինի ճանապարհներով կուտակուած միջոցները յաճախ դուրս կը բերուին տուեալ երկրէն եւ կը տեղափոխուին այլ երկիրներ՝ համեմատաբար հանգիստ եւ ապահով հանգրուան գտնելու համար», «Ֆէյսպուք»ի իր էջին վրայ գրած է Արարատ Միրզոյեան:

«Այս արատաւոր սովորութեան վերջ դնելու եւ թալանուած հանրային ունեցուածքը վերականգնելու նպատակով, Համաշխարհային դրամատան եւ UNODC-ի նախաձեռնութեամբ հիմնուած գործիք մը կայ՝ Stolen Asset Recovery Initiative-ը: Մեր երկրէն թալանուած եւ արտերկրի մէջ հանգրուանած ունեցուածքի ստուգման եւ վերադարձի գործընթաց սկսելու ակնկալիքով, այսօր Stolen Asset Recovery Initiative-էն խորհրդատուական եւ թեքնիք աջակցութիւն ստանալու վերաբերեալ նամակ գրած եմ Համաշխարհային դրամատան ղեկավարութեան», գրած է Միրզոյեան:

LEAVE A REPLY

Please enter your comment!
Please enter your name here