Մակեդոնիա-Հայաստան՝ 2-0

0
813

ԵՐԵՒԱՆ, «Նիուզ».- Եւրոպայի Ազգերու մրցաշարքի ծիրին մէջ իր կատարած երկրորդ մրցումին, Հայաստանի ազգային հաւաքականը, որ Սքոփիէի մէջ հիւրը եղաւ Մակեդոնիոյ,  9 Սեպտեմբերին կրեց իր առաջին պարտութիւնը՝ 2-0 արդիւնքով:

Դ. դասակարգի Դ. խմբակին մաս կազմող Հայաստանի կազմը, որ իր կատարած առաջին մրցումին յաղթանակ մը արձանագրած էր Լիխթնշթայնի դէմ, չկրցաւ յաջողութիւնը կրկնել նախկին մրցակիցէն շատ աւելի զօրաւոր Մակեդոնիոյ դէմ:

Մակեդոնիան կասկածելի փենալթիով մը բացաւ հաշիւը 14-րդ վայրկեանին, իսկ երկրորդ կիսախաղին (59-րդ վայրկեան) արդիւնքը կրկնապատկեց՝ արձանագրելով իր յաջորդական երկրորդ յաղթանակը:

13 Հոկտեմբերին, Հայաստան պիտի հիւրընկալէ Ճիպրալթարի կազմը, իսկ երեք օր ետք՝ դարձեալ Երեւանի մէջ, պիտի ունենայ Մակեդոնիոյ դէմ դարձի մրցումը:

LEAVE A REPLY

Please enter your comment!
Please enter your name here