Ողջունահանդէս Կորիւն Արք. Պապեանի «Հոգեմատեան» Հատորին

0
472

ԼԱ ՔՐԵՍԵՆԹԱ.- Հինգշաբթի, 11 Հոկտեմբերի երեկոյեան ժամը 7էն սկսեալ, Ազգային առաջնորդարանի «Տիգրան եւ Զարուհի Տէր Ղազարեան» սրահին մէջ տեղի պիտի ունենայ մշակութային ձեռնարկ մը, նուիրուած՝ Մեծի Տանն Կիլիկիոյ երախտաշատ անդամներէն՝ հոգելոյս Կորիւն արք. Պապեանի։

Հովանաւորութեամբ Արեւմտեան թեմի առաջնորդ Մուշեղ Արք. Մարտիրոսեանին, եւ գործակցաբար Համազգայինի Շրջանային վարչութեան հետ, Ազգային առաջնորդարանի մշակութային-դաստիարակչական յանձնախումբը կազմակերպած է հոգելոյս սրբազանին յետ մահու հրատարակուած «Հոգեմատեան» հատորին ողջունահանդէսը. հատորը կը բաղկանայ բանաստեղծութիւններէ, հոգեւոր խորհրդածութիւններէ եւ պատմական արժէքով ուսումնասիրութիւններէ։ Հատորը պիտի ներկայացնէ վաստակաւոր դաստիարակ Սարօ Նազարեան. նախատեսուած է գեղարուեստական բաժին։

Մեր գրասէր ժողովուրդը հրաւիրուած է սոյն ձեռնարկին, որուն մուտքը ազատ է։

LEAVE A REPLY

Please enter your comment!
Please enter your name here