ՀԵԸ Անդրանիկ Սին Էլ Ֆիլ Պարտութեան Մատնեց Հմըմ Պուրճ Համուտը Եւ Բարձրացաւ Ա. Դասակարգ

0
1389

ՀԵԸ Անդրանիկ Սին էլ Ֆիլի  աղջկանց պասքեթպոլի  խումբը   միաժամանակ  երկու կարեւոր  նուաճում արձանագրեց անցնող  շաբաթավերջին:

Արդարեւ, Լիբանանի պասքեթպոլի  Բ. դասակարգի ախոյեանութեան առաջին հանգրուանի մրցումներուն  անպարտելի մնալէ ետք,  երկրորդ  հանգրուանի մրցումներուն գծով,  Կիրակի,  7 Հոկտեմբեր 2018-ի  կէսօրէ  ետք ժամը  2.30-ին, Նուհատ Նաուֆալ մարզահամալիրին մէջ՝  55- 32 արդիւնքով պարտութեան մատնեց ՀՄԸՄ  Պուրճ Համուտը:     Շնորհիւ այս  յաղթանակին,   ՀԵԸ Անդրանիկ Սին էլ Ֆիլ  ոչ միայն  հասաւ  Բ. դասակարգի պասքեթպոլի  ախոյեանութեան աւարտական մրցումին, այլեւ ապահովեց  յառաջիկայ   մարզական  տարեշրջանին  Լիբանանի պասքեթպոլի Ա. դասակարգի մրցումներու մասնակցելու  ուղեգիրը:   Աւարտական մրցումին  ՀԵԸ Անդրանիկ  Սին Էլ Ֆիլի մրցակիցը  պիտի   ըլլայ  Եու.Էս Ժի-ն:

Փաստօրէն, յառաջիկայ   տարեշրջանին,  ՀԵԸ Անդրանիկ երկու տարբեր  կազմերով պիտի  մասնակցի  պասքեթպոլի Ա. դասակարգի ախոյեանութեան մրցումներուն՝ ՀԵԸ Անդրանիկ Պէյրութ եւ  ՀԵԸ Անդրանիկ Սին Էլ Ֆիլ:

Սրտանց կը շնորհաւորենք ՀԵԸ Անդրանիկ Սին Էլ Ֆիլի  մարզուհիները, մարզչական կազմը,  վարչական պատասխանատուները եւ ՀԵԸ Անդրանիկի  բոլոր  համակիրները այս գնահատելի յաջողութեան  առիթով:

LEAVE A REPLY

Please enter your comment!
Please enter your name here