Գերմանիոյ մէջ լոյս տեսաւ հայերէն ու թրքերէն երկու լեզուներով ,«Վերջին ցանկութիւնս» խորագիրով նոր գիրք մը

0
54

Գերմանիոյ մէջ  լոյս տեսաւ , Հայերէն  ու Թրքերէն  երկու լեզուներով «Վերջին Ցանկութիւնս» ( Սօն Արզում ) խորագիրով  նոր գիրք մը: Գիրքի  հեղինակներն են,գերմանաբնակ հանրածանօթ թուրք մտաւորական ու գրող Քէմալ Եալճըն եւ նախկին պոլսահայ,այժմ ամերիկահայ բարեգործ ,Գիւմրիի «Թռչունեան Տուն» մանկական կրթահամալիրի հովանաւոր,  բարերար Հերման Խնդիրեան: Գիրքը թրքերէնէ հայերէնի թարգմանեց  հայ պատմաբան  ու թրքագէտ Մելինէ Անումեան : Գիրքի վաճառքէն ստացուած ամբողջ շահոյթը պիտի նուիրուի վերոյիշեալ մանկական կրթական համալիրի աշակերտներուն:

Գիրքը կը ներկայացնէ Սթամպուլէն  Գերմանիա տեղափոխուած  նախկին պոլասահայ ուսուցիչ ու մտաւորական Պրէնտա Ժամկոչեան -Պաշարի կեանքի պատմութիւնը , որ կը ձօնուի  անոր յիշատակին : Պրէնտա Ժամկոչեան-Պաշար ծնած է նոյմ. 14, 1939 թուականին , մահացած է Գերմանիա` Պրէմէն մարտ 30, 2017 թուականին. Պրէնտա Ժամկոչեան-Պաշարի կտակին  համաձայն, անոր  տունն ալ նուիրուած է Գիւմրիի Թռչունեան տան:

Տօքթ.Սարգիս Ատամ

LEAVE A REPLY

Please enter your comment!
Please enter your name here