Փոմփէօ Սուրիոյ Վերաշինութեան Աջակցութիւնը Կը Կապէ Իրանեան Ուժերու Ներկայութեան

0
26

ՈՒԱՇԻԿԹԸՆ, «Էյ.Փի.».- Ամերիկայի ազգային ապահովութեան հրէական հիմնարկ (JINSA) ոչ կառավարական կազմակերպութեան հաւաքին ընթացքին իր արտասանած խօսքին մէջ, Միացեալ Նահանգներու արտաքին գործոց նախարար Մայք Փոմփէօ վստահեցուց, որ Սուրիոյ կառավարութիւնը Միացեալ Նահանգներէն ոչ մէկ տոլարի օժանդակութիւն պիտի ստանայ երկրի վերաշինութեան համար, այնքան ատեն որ իրանեան ուժերը եւ Իրանի աջակցութիւնը վայելող զինեալ խմբաւորումները չեն լքած անոր տարածքը:

«ՄԱԿի մէջ կոչ ըրինք, որ Իրան եւ անոր վերահսկողութեան տակ գտնուող ուժերը պէտք չէ ներկայութիւն պահպանեն Սուրիոյ մէջ: Երկրէն իրանեան ուժերու հեռացման պատասխանատուն է Սուրիոյ կառավարութիւնը, որ նաեւ պատասխանատուութիւն պիտի կրէ Իրանի ներկայութեան համար», ըսաւ ան:

Նշենք, որ Եւրոմիութեան ներկայացուցիչները քանիցս յայտարարած են, որ Սուրիոյ վերաշինութեան պիտի սկսին օժանդակելու միայն իշխանութեան քաղաքական անցումէն ետք:

LEAVE A REPLY

Please enter your comment!
Please enter your name here