Արցախի Նախագահը Հանդիպեցաւ Բարերարներ Մայք Սարեանի Եւ Վահէ Կարապետեանի Հետ

0
669

Արցախի Հանրապետութեան նախագահ Բակօ Սահակեան Շաբաթ, 17 Նոյեմբերին, Լոս Անճելըսի մէջ հանդիպեցաւ բարերար Մայք Սարեանի հետ:

Հանդիպման ընթացքին քննարկուեցան Արցախի մէջ զանազան ծրագիրներու իրականացման վերաբերող հարցեր: Յատուկ ուշադրութեան առարկայ դարձաւ առողջապահութեան ոլորտի զարգացումը:

Նախագահ Սահակեան կարեւոր համարեց Սփիւռքի հայրենակիցներու մասնակցութիւնը հայրենիքի շէնացման եւ հզօրացման գործին՝ աւելցնելով, որ պէտք է նոր որակ հաղորդել գոյութիւն ունեցող փոխգործակցութեան՝ առաւել խորացնելով ու ընդլայնելով զայն:

Նշենք, որ Սարեան երկու շաբաթ առաջ Ստեփանակերտի մէջ հանդիպած էր նախագահ Սահակեանի հետ:

Նախագահ Սահակեան նոյն օրը հանդիպեցաւ նաեւ բարերար Վահէ Կարապետեանի հետ: Հանդիպման ընթացքին քննարկուեցան Արցախի մէջ զանազան ծրագիրներու իրականացման վերաբերող հարցեր:

Նախագահը երախտագիտութիւն յայտնեց Վահէ Կարապետեանին՝ Արցախին միշտ աջակցութիւն ցուցաբերելուն համար, բարձրօրէն գնահատելով անոր հայրենանուէր գործունէութիւնը:

LEAVE A REPLY

Please enter your comment!
Please enter your name here