«Հայաստան» Համահայկական Հիմնադրամ – Դրամահաւաք 2018

0
530

«Հայաստան» համահայկական հիմնադրամը` քաջ գիտակցելով, որ գոյատեւող Հայաստանի ժամանակը անցած է եւ հասած է զարգացող Հայաստանի ժամանակը, վերանորոգ շունչով, սակայն նոյն վճռակամութեամբ կը շարունակէ իր գործունէութիւնը` սատար հանդիսանալով Հայաստանի ու Արցախի ժողովուրդին: Հիմնադրամի մնայուն ծրագիրներէն տեւաբար կ՛օգտուին Հայաստանի ու Արցախի աւելի քան 500.000 բնակիչներ` հիմնադրամին կառուցած ճանապարհէն, ջրատարէն, հիւանդանոցէն, դպրոցէն, բնակարանէն, համայնքային կեդրոնէն, այլ ենթակառոյցներէ ու ծրագիրներէ:

«Հայաստան» համահայկական հիմնադրամը վերջին ամիսներուն անցաւ դժուար փուլէ ու հիմա պատրաստ է նորովի ներկայանալու համահայկական ընտանիքին: Անցնող ամիսներուն հիմնադրամի համաշխարհային կառոյցի հաշուարկները միջազգային հաշուապահական ընկերութիւններու կողմէ ենթարկուեցան մանրակրկիտ քննութիւններու` ստուգելու որեւէ հաւանական չարաշահում: Մասնագիտական եւ քննչական տարբեր խմբակներու ստուգումներուն շնորհիւ փաստուեցաւ, որ հիմնադրամը զերծ է նման չարաշահումներէ, եւ անոր հաշիւները ամբողջական ու բացարձակ թափանցիկութեամբ ներկայացուած են հանրութեան: Այս իրողութիւնը հաստատեցին նաեւ Հայաստանի վարչապետի պաշտօնակատարն ու նախագահը, որոնք անցնող շաբաթներուն իրենց զանազան ելոյթներու ընթացքին կոչ ուղղեցին` փակելու անվստահութեան էջը` նոր շունչ հաղորդելով համահայկական հիմնադրամին, որպէսզի անիկա անխափան շարունակէ իր առաքելութիւնը:

Այսպէս, այս տարուան համահայկական դրամահաւաքը կ՛ընթանայ անցեալ տարի որդեգրուած «Բերքառատ Արցախ» ծրագիրով, որուն ընդմէջէն կը շարունակուին արթեզեան ջրհորներու հորատման եւ ոռոգման նոր ցանցի կառուցման աշխատանքները: Ծրագիր մը, որ կը նկատուի կենսական Արցախի գիւղատնտեսութեան վերականգնման համար: Կը շարունակուի նաեւ արեւային ուժանիւթով բանող համակարգի տեղադրման ծրագիրը, որ անցեալ տարի սկսած էր Շուշիէն: Անդրանիկ այս ծրագիրը իրականացաւ Քարինտակի մէջ, ուր ընտանիքներ իրենց բնակարաններուն մէջ կ՛օգտագործեն այլընտրանքային` արեւային ուժանիւթը տաք ջուր ունենալու համար: 2019-ին արեւային ուժանիւթէն պիտի օգտուին նաեւ Ասկերանի բնակիչները: Բացի Արցախի մէջ իրականացուելիք ծրագիրներէն, այս տարուան թելեթոն-դրամահաւաքի հասոյթէն բաժին մը պիտի յատկացուի Հայաստանի համայնքային ենթակառոյցներու նորոգութեան, ինչ որ պիտի նպաստէ նոր աշխատատեղերու ստեղծման:

LEAVE A REPLY

Please enter your comment!
Please enter your name here