Պատմաբան Ռիչըրտ Յովաննէսեան Լիոն Քաղաքի Շքանշանին Կ՛արժանանայ

0
210

ՈՒԵՍԹՈՒՈՒՏ.- Քալիֆոնրիոյ համալսարանի Լոս Անճելըսի մասնաճիւղէն եւ «Չեփմըն» համալսարանէն փրոֆ. Ռիչըրտ Յովհաննէսեան 8 Նոյեմբերին արժանացաւ Ֆրանսայի Լիոն քաղաքի պատուոյ շքանշանին, ձեռամբ քաղաքապետ Ճորճ (Գէորգ) Քեփենէքեանի։

Քաղաքապետը դրուատեց պատմաբանին առաւել քան 40 տարիներու սպասարկութիւնները հայագիտութեան եւ պատմագիտութեան ասպարէզին մէջ։

Լիոնի պատմական քաղաքապետարանին մէջ տեղի ունեցած ձեռնարկին ընթացքին ողջոյնի խօսքեր արտասանեց նաեւ Ֆրանսայի մօտ Հայասատանի դեսպան Յասմիկ Տոլմաջեան։

Նշենք, որ փրոֆ. Ռիչըրտ Յովհաննէսեան Լիոն կը գտնուէր մասնակցելու երկօրեայ միջազգային գիտաժողովի մը, որ նուիրուած էր Համաշխարհաին Ա. պատերազմի աւարտին եւ Հայաստանի Ա. Հանրապետութեան հաստատման հարիւրամեակներուն։

Գիտաժողովին մասնակցողներուն մէջ էին՝ Հիլտա Չոպանեան (գիտաժողովի կազմակերպիչներէն), Թալին Տէր Մինասեան, Ռեմոն Գէորգեան, Ժերար Տէտէեան, Սուսեն Փեթի, Քլոտ Մութաֆեան, Իվ Թերնոն, Վահէ Թաշճեան, Ֆապրիս Պալանշ, Աշոտ Մելքոնեան, Արտաշէս Թարումեան, Արամ Մարտիրոսեան, Ժերար Գուրգէնեան, Արմէն Ասրեան, Խաչատուր Ստեփանեան, Ստեփան Աստուրեան, Ժոզէֆ Եագուպ, Էօզճան Եըլմազ եւ Արա Պապեան։

Գիտաժողովին ներկայ էին նաեւ Ֆրանսայի մօտ Արցախի Հանրապետութեան ներկայացուցիչ Յովհաննէս Գէորգեան։

LEAVE A REPLY

Please enter your comment!
Please enter your name here