Հռոմի ՄԷջ Կը Տեղադրուի Յովհաննէս Թումանեանի Քանդակը

0
317

Հռոմի ամենատեսարժան վայրերէն մէկուն` Պորկեզի այգիին մէջ, պիտի տեղադրուի հայ մեծանուն գրող Յովհաննէս Թումանեանի արձանը:

Այս մասին  Երկուշաբթի,  3 դեկտեմբերին լրագրողներուն հետ հանդիպման  ընթացքին  յայտնեց ՀՀ մշակոյթի փոխնախարար Տիգրան Գալստեան:

«Թումանեանը հայ մշակոյթը ներկայացնող մեծանուն գրող է, եւ շուտով պիտի նշուի անոր 150-ամեայ յոբելեանը»,- շեշտեց Գալստեան:

Անոր խօսքով` Պորկեզի այգին աշխարհի ամենագեղեցիկ եւ կարեւոր նշանակութիւն ունեցող վայրերէն է, ուստի, Թումանեանի այնտեղ տեղադրուող քանդակը չափազանց լաւ պէտք է ըլլայ:

Անդրադառնալով արձանի հեղինակի ընտրութեան` Գալստեան ըսաւ, որ ՀՀ մշակոյթի նախարարութիւնը դեռ պէտք է  հասկնայ, թէ որքան գումար պիտի  յատկացուի քանդակի ստեղծման, այնուհետեւ կը յայտարարուի մրցոյթ:  «Ցանկալի է, որ հեղինակը հայ ըլլայ եւ ներկայացնէ մեր մշակութային ներուժը: Վստահ եմ, որ մենք ունինք լաւ քանդակագործներ»,- եզրափակեց ան:

LEAVE A REPLY

Please enter your comment!
Please enter your name here