ԹԵՀՐԱՆ՝ ՎԵՑԵԱԿԸ ՀԱՄԱՁԱՅՆ Է ՈՒՐԱՆԻՈՄԻ ՀԱՐՍՏԱՑՄԱՆ

0
44

Իրանեան աղբիւրներ «Հայաթ» թերթին յայտնած են, որ ՄԱԿ-ի Ապահովութեան Խորհուրդի հինգ անդամներէն ու Գերմանիայէն կազմուած վեցեակը անցեալ շաբաթ Ժընեւի մէջ Իրանի հետ բանակցութեանց ընթացքին համաձայն գտնուած են Իրանի մէջ ուրանիոմի՝ ցած մակարդակով հարստացման:
Իսրայէլեան «Հաարեց» թերթը հաղորդեց, որ վեցեակը Իսրայէլը տեղեակ պահած է Ժընեւի բանակցութեանց մանրամասնութիւններէն: Իսրայէլացի բարձրաստիճան պաշտօնատար մը յայտնած է, որ իրանեան առաջարկը «բազմաթիւ հարցականներ կը ստեղծէ»: Ըստ օրաթերթին՝ իրանցիները պատրաստակամութիւն յայտնած են ուրանիոմը 20 առ հարիւրով հարստացման դադրեցման եւ այդ համեմատութեամբ արդէն իսկ հարստացուած ուրանիոմները Թեհրանի մէջ գիտական հետազօտութեանց հնոցներու վառելանիւթի վերածման շուրջ: Անոնք նաեւ պատրաստակամութիւն յայտնած են 5 առ հարիւրով հարստացուած ուրանիոմի քանակը քննելու:
 Այսուհանդերձ,  Իսրայէլի  վարչապետ Պենիամին Նեթանիահու կառավարութեան  վերջին նիստին ընթացքին յայտնեց, որ Իրան «կանոնաւոր կերպով միջազգային ընտանիքը կ՛ապակողմնորոշէ, եւ պէտք է շարունակել անոր վրայ ճնշումը ու զայն խստացնել, այնքան ատեն, որ իրանեան խօսքերը գործերու չեն վերածուած»:

LEAVE A REPLY

Please enter your comment!
Please enter your name here