ՆԱԽԱԳԱՀ ՍԸԼԷՅՄԱՆ ՍԱՀՄԱՆԱԴՐԱԿԱՆ ԻՐԱԳՈՐԾՈՒՄՆԵՐԸ ՅԱՐԳԵԼՈՒ ԿՈՉ ՈՒՂՂԵՑ

Հանրապետութեան նախագահ Միշէլ Սըլէյման  ներկայ գտնուեցաւ Պէյրութի  նաւահանգիստի կարգ մը   բաժիններու  ընդլայման առիթով  տեղի ունեցող  արարողութեան: Այդ առիթով արտասանած իր խօսքին մէջ, նախագահ Սըլէյման  շեշտեց  շրջանային եւ միջազգային  արգացումներուն սպասելու  փոխարէն՝  բարգաւաճման եւ աշխատանքային  ծրագիրներ  իրականացնելու անհրաժեշտութիւնը:  Սըլէյման  նշեց, թէ  համայն  Լիբանանը պիտի  օգտուի   Նիւ Եորքի մէջ  կայացած  խորհրդաժողովին  արգասիքներէն:  Նախագահը շեշտեց  լիբանանեան  ժողովրդավարութիւնը յարգելու անհրաժեշտութիւնը, որուն հիմնական ձեռքբերումներէն մէկը պիտի  ըլլան  յառաջիկայ  տարուան նախագահական  ընտրութիւնները: Նախագահ  Սըլէյման  միաժամանակ անդրադարձաւ  կառավարութեան կազմութեան եւ խորհրդարանական  ընտրութիւններուն՝ իբրեւ ժողովրդավարական  գործընթացներ:

Հանրապետութեան նախագահ Միշէլ Սըլէյման  դարձեալ շեշտեց   երկխօսութեան նիստերու անհրաժեշտութիւնը,  դիտել տալով, որ   Լիբանանեան   հողերու վրայ  երկխօսութիւնը  շատ աւելի նախընտրելի  պիտի ըլլայ, քան՝ արտասահմանեան  երկիրներու մէջ:   Սըլէյման վեր առաւ ապահովական  կառոյցներու միջեւ  համագործակցութիւնը,  ընդգծելով, որ երկրին ապահովական  կայունութիւնը առաւելագոյն աչալրջութիւն եւ  համադրութիւն կը պահանջէ  ապահովական մարմիններէն:  

Պաապտայի  մօտիկ աղբիւրներ   հաղորդեցին, թէ  նախագահ Սըլէյման յառաջիկայ  Կիրակի օր,  Աւստրիա  պիտի  մեկնի՝ եռօրեայ  պաշտօնական այցելութեամբ:

Հրաժարեալ վարչապետ Նեժիպ Միքաթի ընդունեց Լիբանանի մօտ  Բրիտանիոյ դեսպան  Թոմ Ֆլեչըրը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button